Nyanndra Mun 15:30 - NYANMIƐN NDƐ'N 1998

³⁰ Sɛ be nian ɔ nyrun klanman'n ɔ klun jɔ. Ndɛ fɛ'n kusu sanndi bé wun.

Nyanndra Mun 15:30 ပူးပေါင်းရင်းမြစ်များ

Ɛsdras 9:8

Yɛ ndɛ Anannganman e Nyanmiɛn, w'a si ye aunnvuɛ man e nvle nunfuɛ wie'm b'a nyan atin b'a sa be sin. W'a man e kpata kan kplanwlɛ wɔ lika kpa'n nun, w'a kpaja e nyrun man y'a wun atin'n, w'a man e nguan kan e kanga yolɛ'n nun,

Jue Mun 89:15

Ɔ famiɛn bia'n taka ndɛ nanwlɛ bulɛ nin mmla'n i su falɛ'n su. A yi ɔ klun-ufue'n nin ɔ nanwlɛ bɔ a di'n be nglo sa kwlaa nun.

Nyanndra Mun 12:25

Ngokoɛ'n ɔ yi sran ase. Ndɛ fɛ'n ɔ wla sran fanngan.

Nyanndra Mun 13:9

Sran kpa'm bé wun kpaja be. Be ti kɛ kannin'n b'ɔ kpaja weiin sa. Klunwifuɛ'm be liɛ'n be ti kɛ kannin b'ɔ su nuan'n sa.

Nyanndra Mun 15:29

Anannganman i ndɛ nun-man klunwifuɛ'm be ndɛ nun. Sran kpa'm be liɛ'n, be srɛlɛ nga be srɛ'n, ɔ fɛ i su sie i bo.

Nyanndra Mun 15:31

Sran nga be man i afɔtuɛ kpa b'ɔ fɛ i su sie i bo'n, be kwla fɛ i be wlɛ i ngwlɛlɛfuɛ'm be nun.

Nyanndra Mun 17:22

Aklunjuɛ'n ti kɛ ayre sa. Sɛ be klun ti-man jɔwa'n, bé wun kpaja-man be.

Nyanndra Mun 25:25

Ndɛ fɛ ng'ɔ fin mɛn wie nun mmua ba'n, ɔ ti kɛ nzue flɔlɔ wie b'ɔ jɔ anwlɛn'n sa.

Nyanndra Mun 3:8

I liɛ'n, ɔ wunnɛn'n nun ´sanndi wɔ weiin, ɔ́ wun ´jɔ wɔ fɔuun!

Akunndanfuɛ'n 11:7

Lika weiin'n ɔ ti like kpa. Wia'n kusu yo nyɛnmɛn.

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Sa nglô yile 21:23

Be su kunndɛ-man wia nin anglo, afin Nyanmiɛn i wun nyannyan'n ɔ kpaja klɔ'n su, yɛ Bua Gbanflɛn'n ti i kannin .

Sa nglô yile 22:5

Lika'n su san-man kun. Be su kunndɛ-man kannin nin wia kun, afin e Min Nyanmiɛn'n yɛ ɔ ´kpaja klɔ'n nun-ɔn. Yɛ be ´di famiɛn tititi .