Nyanndra Mun 15:27 - NYANMIƐN NDƐ'N 1998

²⁷ Sran nga i waan ɔ su kpli nyɛn i wun'n, i awlo'n i bolɛ i wun atin yɛ ɔ su kpɛ i lɛ-ɔ. Sran nga kusu bɔ be cɛ i like kɛ ɔ bua ato-ɔ ɔ kplin-man su'n, ɔ ´cɛ cɛcɛcɛ .

Nyanndra Mun 15:27 ပူးပေါင်းရင်းမြစ်များ

1 Famiɛn Mun 2:40

Yɛ ɔ ´jaso-ɔ, yɛ ɔ ´tanndan i aflunmun nin-ɔn, yɛ ɔ kɔ Akis sin Gat lɔ-ɔ. Ɔ ´sɛ i sin ´ba'n, i kanga'm be su i su.

2 Famiɛn Mun 5:27

Nian, Naaman i kokowe'n, ɔ ´yo wɔ nin wɔ osu'n nunfuɛ mun, yɛ ɔ ´ka amún wun sɔ tititi.» Yɛ Geazi fiteli-ɔ. Kɛ ɔ fɛ i Elize wun lɛ b'ɔ ´kɔ'n, kokowe'n ɔ'a yo i. I wunnɛn'n yoli ufue fuaii.

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Ezipt Lɔ Tulɛ'n 18:21

Kpa sran nga be lɛ nyrun'n, bɔ bé nyin yi Nyanmiɛn kpa'n, bɔ be klo nanwlɛ'n, bɔ be ti-man sika tɛ kunndɛfuɛ mun. Man wie'm be yo sran akpi su kpɛnngbɛn, wie'm be yo sran ya su kpɛn, wie'm be yo sran ablenun su kpɛn, yɛ wie'm be yo sran blu su kpɛn.

Ezipt Lɔ Tulɛ'n 23:8

Nán sɔ adi ninnge nun, afin i sɔ ninnge bɔ be fa man'n, be si sran be nyin, kannzɛ sran'n ti sa sifuɛ kpa bɔbɔ o, be si i nyin. Yɛ be saci nanwlɛ difuɛ'm be ndɛ kanlɛ'n.

Nyanndra Mun 1:19

Be nga be waan be ´kpli be ´nyan bé wun'n, ɔ lɛ cɛn bɔ be anyanbeun sɔ'n ɔ ´kun be-ɔ. Sran nga be konvi'n ti kpli'n, be nguan'n kpɛ sin .

Nyanndra Mun 11:19

Nian, kpa yolɛ'n ɔ man be nguan tɛnndɛn. Sran nga kusu bɔ klunwi cɛ yɛ ɔ yo'n ɔ ´wu i nuan wie.

Nyanndra Mun 11:29

Sran nga ndɛnngan yɛ ɔ kpɛ yi i awlo nun'n, ɔ nyan-man like fi. Sinnglinfuɛ'n ɔ ti ngwlɛlɛfuɛ'n i akua.

Nyanndra Mun 15:26

Anannganman i nyin ci akunndan tɛ'n. Ndɛ nga sran ti-ɔ, ɔ ukɛ i'n, yɛ ɔ jɔ i klun-ɔn.

Nyanndra Mun 20:21

Sran ng'ɔ nyɛn i wun ndɛndɛ nglɛmun nun'n, ɔ di yalɛ nnɔsua nun.

Nyanndra Mun 23:4

Nán kle ɔ́ wun yalɛ ngboko kɛ a ´nyan ɔ́ wun. Nán bu i akunndan beblebe .

Nyanndra Mun 28:16

Mɛn siefuɛ kun b'ɔ si-man ngwlɛlɛ'n, i bo mma'm be mian-mianlɛ sa cɛ yɛ ɔ mian-mian be titi-ɔ. Nga kusu b'ɔ sro ndrunmun dilɛ'n, ɔ ´cɛ kpɛn dilɛ'n nun.

Nyanndra Mun 28:25

Wun tufuɛ'n ɔ kpɛ utre ba. Sran nga kusu b'ɔ fɛ i wun man Anannganman'n, ɔ nyan muae.

Nyanndra Mun 29:4

Sɛ famiɛn kun ɔ yo sa i nuan su'n, yɛ i mɛn'n kɔ i nyrun-ɔn. Sɛ lapo nga i waan i sran'm be su'n ɔ cɛnnin'n, ɔ saci mɛn'n.

Zeremi 17:11

Sran ng'ɔ fa gblɛ fa nyɛn i wun'n, ɔ ti kɛ cinndalo wie b'ɔ utu klenzua bɔ nɛ́n i yɛ ɔ toli'n su sa. I nguan'n wie-man nan ninnge sɔ'n b'a fi i sa. I agualiɛ su'n, ɔ kaci kɛ sinnglinfuɛ sa.»

Mmla'n 16:19

Nán amun bu sran fi ndɛ kwlɛ. Nán amun nian sran nyrun nan amu'an bu ndɛ. Nán amun sɔ adi ninnge'm be nun. Afin ninnge sɔ'm be si akunndanfuɛ'm be nyinma. Yɛ be saci nanwlɛ difuɛ'm be ndɛ kanlɛ'n.

Mmla'n 7:26

Tete like b'ɔ nunnunlɛ yɛ ɔ nin i fata'n, nán amun fa sie amun sua'm be nun, sɛ ɔ yo sɔ-ɔ, be ´nunnun amun wie kɛ i sa. Amun `bu ninnge sɔ mun kɛ be ti fiɛn, nán amun bu be like mlɔnmlɔn, be nin nunnunlɛ yɛ ɔ fata-a.

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

1 Timote 6:9

Sanngɛ be nga be klo kɛ be ´nyan bé wun'n, lakafuɛ'n ´laka be. Ninnge ngbɛn-ngbɛn bɔ be konvi sɔ be'n nin bé nyin b'ɔ blo ninnge tɛtɛ kpanngban b'ɔ saci sran b'ɔ man be agualiɛ'n ɔ gua-man be kpa be wu'n, be ´kaci kɛ aya sa, be ´tɔ nun ɔ ´tra be.

Zozie 6:18

Sanngɛ yo, nán amun fa like nga Anannganman waan be saci be'n be wie fi kɛ ɔ ´yo nan i sannzan ɔ'a tɔ-man Izraɛl nvle'n su'n ti.

1 Samiɛl 12:3

Min yɛ n wo yɛ, Anannganman ɔ nin famiɛn b'ɔ sieli'n be ti min lalofuɛ. Amun `kan sa nga n yoli'n, sɛ n fali sran wie nannin-ɔn, ɔ `kan. Sɛ n fali sran wie i aflunmun-ɔn, ɔ `kan. Sran nga n dili i lufle-ɔ, ɔ `kan. Sran nga n yoli i sa b'ɔ ti-man su-ɔ, ɔ `kan. Sran ng'ɔ mannin min like kɛ n fa nan sɛ ɔ yo sa tɛ-ɔ, n yo kɛ n wun-mɛn i sa'n, sɛ i sɔfuɛ o wa'n man ɔ kan. Like nga n fali'n b'ɔ ti-mɛn i su'n, amun `kan man n yi man amun.»