Nyanndra Mun 15:25 - NYANMIƐN NDƐ'N 1998

²⁵ Sran ng'ɔ yo i wun dandan'n, Anannganman saci i awlo'n, sanngɛ Anannganman kunngba'n sasa angboti bla'n i like liɛ ng'ɔ lɛ i'n.

Nyanndra Mun 15:25 ပူးပေါင်းရင်းမြစ်များ

Zɔb I Nyrɛnnɛn Wunlɛ 24:21

Bla nga i klun ti kpan'n, b'ɔ wu-man ba'n, be kle i yalɛ. Be yo-man angboti bla'm be kpa.

Jue Mun 10:14

A wun nyrɛnnɛnfuɛ'm be afɛ'n nin be nyrɛnnɛn'n. A yaci-man be nga afɛ nin nyrɛnnɛn'n wo bé su'n be lika nianlɛ. Ɔ su yɛ nyrɛnnɛnfuɛ'm be kisa-a. Wɔ yɛ a uka aika mun-ɔn.

Jue Mun 138:6

Anannganman o nglo lɔ, sanngɛ ɔ wun be nga be kan bé wun ase'n mun. Sran nga be yo bé wun dandan'n, ɔ o mmua lɔ ɔ wun be .

Jue Mun 146:9

Anannganman nian aofuɛ'm bé su. Ɔ nian aika nin angboti bla'm be lika. Sanngɛ klunwifuɛ'm be like liɛ nga be sunnzun kɛ be ´yo'n, ɔ saci.

Jue Mun 52:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Dɔɛg b'ɔ fin Edɔm'n, i kɔlɛ b'ɔ ɔli ko seli Sail kɛ: « David ɔli Asimelɛk wun lɔ'n,» i su jue-ɔ. I waan:

Jue Mun 52:5

A klo sa tɛ'n tra sa kpa'n. A klo ato'n tra nanwlɛ'n.

Nyanndra Mun 12:7

Kɛ klunwifuɛ'm be ko wu'n, wuun be liɛ a wie. Sanngɛ sran kpafuɛ'm be awlo bo'n ɔ jin lɛ ca!

Nyanndra Mun 14:11

Klunwifuɛ'm be awlo'n ɔ bo. Sanngɛ sran kpa'm be liɛ'n ɔ trɛ.

Nyanndra Mun 15:26

Anannganman i nyin ci akunndan tɛ'n. Ndɛ nga sran ti-ɔ, ɔ ukɛ i'n, yɛ ɔ jɔ i klun-ɔn.

Nyanndra Mun 23:10

Lalafuɛ like nga be fa jali awɛ'n, nán tu i bo, nán wlu aika mma'm be fie'n nun kɛ a ´ko de fie sɔ'n bé sa nun .

Ezai 1:17

Amun `suan sa kpa'n i yolɛ, amun `yo sa'm be nuan su. Sran ng'ɔ kle sran'm be nyrɛnnɛn'n, amun `yo man ɔ kaci i sa. Amun `di aika mma'm be jɔlɛ'm be kpa, amun `jran angboti mmla'm bé sin.»

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Zeremi 5:28

Be wunnɛn'n wo be wun, be ti mlanmlanmlan. Sa tɛ'n wie fi nun-man lɛ bɔ be yo-man-an. Be ndɛ nun-man sa i nuan su yolɛ'n ndɛ nun. Like ng'ɔ ti bɔ be yo man aika mun'n, ɔ ti-man be ndɛ, sanngɛ be yɛ be ndɛ'n yo fɛ-ɔ. Like ng'ɔ ti bɔ be yo man yalɛfuɛ mun'n, ɔ ti-man be ndɛ.

Daniɛl 5:20

Sanngɛ famiɛn'n ɔ wa tuli i wun, ɔ wa keteli i anwlɛn'n, yɛ ɔ yoli nuan difuɛ. I blɛ sɔ nun'n, Nyanmiɛn tuli i famiɛn bia'n su, kpɛkuun ɔ'a nyan-man nyrun kun.

Mmla'n 19:14

Mɛn nga Anannganman amun Nyanmiɛn'n ɔ'a fa man amun kɛ amun tran nun'n, i nun asiɛ nga sran kun nyɛnnin i kɛ be ´cɛcɛ i klikli nun'n, nán ɔ tu i awɛ'n `wɔ i sin.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»