Nyanndra Mun 15:24 - NYANMIƐN NDƐ'N 1998

²⁴ Sran ng'ɔ si ngwlɛlɛ'n ɔ fa atin nga be fa su-ɔ, be nyan nguan'n. Ɔ fa-man blɔlɔ liɛ'n su .

Nyanndra Mun 15:24 ပူးပေါင်းရင်းမြစ်များ

Jue Mun 139:24

Sɛ a nian nan atin nga n wo su'n ti tɛ'n, fa min sie ɔ bɔbɔ wɔ atin liɛ'n su.

Jue Mun 16:11

A ´yo man n ´wun nguan'n i atin'n. Kɛ be nin wɔ tran'n, be klun jɔ lele tra su, aklunjuɛ nga be di'n ɔ lɛ-man awieliɛ .

Nyanndra Mun 2:18

i sua'n ɔ kunman kɔ wie'n i nuan'n nun, i atin liɛ ng'ɔ fa su'n ti blɔlɔ atin.

Nyanndra Mun 23:14

Sɛ a bo i'n, i yɛ man sa tɛ b'ɔ ti i wie like'n ɔ su ko nyɛn-mɛn i-ɔ.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Nyanndra Mun 5:5

Sɛ e kwla e se'n, wie'n i ndɛnman trelele yɛ ɔ kɔ-ɔ. Kan ɔ ´tu ajalɛ kɔ lɛ'n, blɔlɔ atin'n su yɛ ɔ ´kɔ lɛ-ɔ.

Nyanndra Mun 6:23

Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Nyanndra Mun 7:27

I awlo'n ti blɔlɔ atin. Atin sɔ'n ɔ jra kɔ lele ju blɔlɔ lɔ.

Nyanndra Mun 9:8

Sɛ ɔ waan nán tutrefuɛ'n kpɔ wɔ'n, nán tu i fɔ. Tu akunndanfuɛ'n fɔ. Sɛ a tu i fɔ-ɔ, ɔ ´klo ɔ́ sa.

Zeremi 21:8

Se nvle nunfuɛ'm be kɛ: «Anannganman'n wan yoo: ‹N fa nguan atin'n nin wie atin'n n fa sie amun nyrun.

Matthieu 7:14

Sanngɛ anuan nin atin nga be sin nun-ɔn be nyan nguan'n be ti kaan, yɛ be nga be kunndɛ be wun i'n, b'a sɔn-man .»

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Mmla'n 32:22

Min ya'n ɔ'a jue kɛ sin sa. Ɔ yra like mun lele ɔ kpɛn blɔlɔ lɔ. Ɔ yra asiɛ'n nin aliɛ b'ɔ fin nun fite'n. Ɔ yra lele kpɛn oka'm be takawlɛ'n i bo lɔ.

Filipfuɛ Mun 3:20

E liɛ'n, e ti nyanmiɛn su lɔ ba mun, e minndɛ e Defuɛ'n bɔ yɛlɛ e Min Jésus-Krist b'ɔ ´fin lɔ ba'n.