Nyanndra Mun 15:22 - NYANMIƐN NDƐ'N 1998

²² Like nga be ´yo-ɔ be usa-man ngwlɛlɛ afɛ'n, ɔ kpɛn-man su. Sanngɛ nga be ´yo-ɔ, afɔtuɛ manfuɛ'm bé ti yiɛ i wun kpanngban'n, ɔ yo ye.

Nyanndra Mun 15:22 ပူးပေါင်းရင်းမြစ်များ

1 Famiɛn Mun 1:12

N wa man wɔ ngwlɛlɛ kun kɛ ɔ ´yo nan a nin ɔ́ wa Salomɔn amu'an fite nun'n ti.

1 Be Nyoliɛ 13:1

David nin sonja akpi su kpɛn mun, nin sonja ya su kpɛn mun, ɔ nin kpɛnngbɛn'm be kwlaa, be yiali be kokoli bé wun.

Nyanndra Mun 11:14

Nvle ng'ɔ lɛ-man sunianfuɛ'n, ɔ bo. Sanngɛ sɛ afɔtuɛ manfuɛ'm be sɔn'n yɛ ɔ ti kpa-a.

Nyanndra Mun 15:21

Sran nga b'ɔ si-man ngwlɛlɛ'n, i sinnzin like ng'ɔ yo'n, ɔ yo i bɔbɔ fɛ. Sanngɛ sran ng'ɔ yo i like liɛ cɛcɛ'n, ɔ kunndɛ i nantiwlɛ atin klanman .

Nyanndra Mun 15:23

Sɛ be usa wɔ ndɛ nan a si su tɛ klanman'n, ɔ man wɔ aklunjuɛ. Ndɛ ng'ɔ ju i kanwlɛ cɛ kpɛkuun b'a kan'n, i fɛ b'ɔ yo'n, be kan-man.

Nyanndra Mun 20:18

Like nga be waan be ´yo'n, be fa akunndan sran sa nun yɛ be yo-ɔ ɔ yo kpa-a. Be fa akunndan yɛ be kɔ alɛ kunlɛ nin-ɔn.

Nyanndra Mun 24:6

Sɛ a ´kɔ alɛ kunlɛ'n, nian ɔ́ wun kpa. Sɛ a usa ngwlɛlɛ afɛ sran sunman sa nun'n yɛ a nyan jranwlɛ-ɔ.

Akunndanfuɛ'n 8:6

Afin sa kwlaa nga sran'm be yo'n, i ti be wa di be jɔlɛ cɛn kun, yɛlɛ kɛ sran'n i klunwi'n ɔ'a yo dan ngboko.