Nyanndra Mun 15:2 - NYANMIƐN NDƐ'N 1998

² Ndɛ ng'ɔ fin ngwlɛlɛfuɛ'm bé nuan fite'n, sran ti-ɔ ɔ yo i fɛ. Be nga be si-man ngwlɛlɛ'n, be liɛ, ng'ɔ fin bé nuan fite'n, ɔ ti sinnzin ndɛ ngunmin.

Nyanndra Mun 15:2 ပူးပေါင်းရင်းမြစ်များ

Jue Mun 45:1

Jue nga ti Kɔre i sran'm be liɛ. Ɔ o jue tofuɛ'm be su kpɛn'n i fluwa'm be nun wie. Yasua nin bla bé wun klolɛ jue-ɔ. Kɛ be ´to'n, be bo gitar. Be waan:

Jue Mun 59:7

Nnɔsua kɛ a ´nian-an, be yɛ b'a ba ekun yɛ. Be bo kɛ alua sa, be bo sin yia klɔ'n.

Nyanndra Mun 12:23

Akunndanfuɛ'n ɔ ti ndɛ-ɔ, ɔ tɛ-mɛn i kan. Sran ng'ɔ si-man sa'n, i liɛ ndɛ'n i tilɛ yɛ, i jɔ bolɛ yɛ.

Nyanndra Mun 13:16

Ngwlɛlɛfuɛ'n ɔ ´yo sa-a, ɔ bu i sin yɛ ɔ yo-ɔ. Sran ng'ɔ wun-man sa wlɛ kusu'n, ɔ yaci-mɛn i sinnzin'n i nglo yilɛ le.

Nyanndra Mun 15:23

Sɛ be usa wɔ ndɛ nan a si su tɛ klanman'n, ɔ man wɔ aklunjuɛ. Ndɛ ng'ɔ ju i kanwlɛ cɛ kpɛkuun b'a kan'n, i fɛ b'ɔ yo'n, be kan-man.

Nyanndra Mun 15:28

Sran ng'ɔ ti sran kpa'n, ɔ bu sa sin nan ɔ'a tɛ ndɛ su. Klunwifuɛ'm be liɛ'n, be jranjran-man sran wun ndɛ tɛtɛ kanlɛ'n wun.

Nyanndra Mun 15:7

Ngwlɛlɛfuɛ'm bé nuan nun ndɛ'n ɔ man akunndan. Be nga be si-man ngwlɛlɛ'n, bé ti sɛ liɛ'n wo lɛ ngbɛn, ngwlɛlɛ ba kun sa nun-man nun.

Nyanndra Mun 16:23

Be nga be si ngwlɛlɛ'n, be bu ndɛ sin nan b'a kan. Ɔ man ndɛ ng'ɔ fin bé nuan fite'n, ɔ ti ngwlɛlɛ ndɛ.

Nyanndra Mun 5:2

I liɛ'n akunndan nga m man wɔ'n ɔ ´ka ɔ́ ti'n nun, yɛ a ´si ijɔ.

Akunndanfuɛ'n 10:14

Sinnglinfuɛ'n ɔ ijɔ fiaii. Sran'n b'ɔ o sa'n, ɔ si-man sa ng'ɔ wa ju cɛn wie'n. ?Wan yɛ ɔ ´bo sa ng'ɔ wa ju'n i su'n i su kle i-ɔ?

Akunndanfuɛ'n 5:3

Sɛ a se Nyanmiɛn kɛ a ´yo like wie mɛn i'n, nán sisi ɔ́ bo nan w'a yo i sɔ like'n. Afin Nyanmiɛn klo-man sinnglinfuɛ mun yɛlɛ kɛ be yo-man ndɛ nga be kan'n i su sa. Ka ɔ́ ja nun lɛ yo sa nga ɔ waan a ´yo'n.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.