Nyanndra Mun 15:17 - NYANMIƐN NDƐ'N 1998

¹⁷ Kɛ n ko tran kan klolɛ nun-man lɛ bɔ sanngɛ nannin nnɛn kpakpa'n yɛ be di i lɛ'n, ɔ flunman kɛ n ko tran kan nnya ngbɛn yɛ be di i lɛ bɔ sanngɛ klolɛ o lɛ'n.

Nyanndra Mun 15:17 ပူးပေါင်းရင်းမြစ်များ

Nyanndra Mun 16:8

Kɛ n ko wua nan n ko nyan mín wun'n, ɔ flunman kɛ n `di nanwlɛ nan n nyan akatua kaan.

Nyanndra Mun 17:1

Sɛ a nyan ɔ kpaun kee sin kan a di nan ndɛnngan nun-mɛn i sin'n, i li flunman tra kɛ a nyan aliɛ fɛ di sanngɛ awlo nga a o nun'n ɔ ti ndɛnngan-ndɛnngan ngunmin'n.

Nyanndra Mun 21:19

Kɛ a nin bla saɛfuɛ nin ndɛnnganfuɛ amun ko tran'n, ɔ flunman kɛ a `ko tran lika koun wie nun.

Akunndanfuɛ'n 4:6

Sɛ sran kun nyɛn i like liɛ kan nan ndɛ nun-man su'n, ɔ flunman tra kɛ ɔ'a nyan like kpanngban sanngɛ ndɛnngan wo su'n. Afin junman dilɛ nga lɛ'n kwlaa ti afɛ ngbɛn.

Matthieu 22:4

Ɔ sunmɛnnin i sran uflɛ mun ekun, ɔ seli be kɛ: ‹An `ko se be nga n yiali be'n be kɛ m'an wie yo, m'an kun min nannin mun nin min nnɛn nga bɔ b'a lo'n, m'an tɔn, i kwlaa ɔ'a be, an bla atɔnvlɛ'n bo.›

JÉSUS-CHRIST I DYASIN FE'N BO LUC KLELI'N 15:23

An `fa nannin nga ɔ'a lo kpa fuɛ'n bla, an `kun i man e fa di cɛn,

Filipfuɛ Mun 2:1

Sran wunmuan bɔ amun nin Krist an ti'n ti'n, ɔ man amun afɔtuɛ. Klolɛ b'ɔ klo amun'n ti'n, ɔ gua amun anwlɛn su nzue, yɛ amun nin Nyanmiɛn Wawɛ'n amún nuan sɛ, yɛ an klo amun wiengu an wun i aunnvuɛ.

1 Jean 4:16

E si kɛ Nyanmiɛn klo ye, ɔ man e lafi i su. Nyanmiɛn yɛ ɔ ti sran klofuɛ nin-ɔn, ɔ man sran ng'ɔ klo sran'n, wuun ɔ nin Nyanmiɛn b'a kaci sran wunmuan, yɛ ɔ nin i be tran.