Nyanndra Mun 15:11 - NYANMIƐN NDƐ'N 1998

¹¹ Sa kwlaa ng'ɔ o blɔlɔ lɔ'n, Anannganman si nun ndɛ. Nan nán se kɛ sran b'ɔ o yɛ'n i klun ndɛ'n .

Nyanndra Mun 15:11 ပူးပေါင်းရင်းမြစ်များ

Zɔb I Nyrɛnnɛn Wunlɛ 26:6

Afin Nyanmiɛn wun blɔlɔ lɔ weiin. Like fi kata-man kunman dan bɔ be si-mɛn i bo'n su b'ɔ man ɔ wun-man lɔ-ɔ.

Jue Mun 139:8

Sɛ n fu nglo lɔ o, a o lɔ. Sɛ n kɔ blɔlɔ lɔ o, a o lɔ .

Jue Mun 44:21

?Sɛ e wla fili wɔ'n, sɛ e fali like uflɛ e suli i'n,

Jue Mun 7:9

Anannganman, wɔ bɔ a di nvle-nvlefuɛ'm be jɔlɛ'n, kan min ti ndɛ man min, afin m'an yo-man sa.

Nyanndra Mun 15:10

Sran nga b'ɔ yaci atin kpa'n ɔ ko fa tɛ'n, i sɔfuɛ'n, be `tu i fɔ kpa. Nga kusu bɔ be tu i fɔ-ɔ ɔ fa-man'n, san wie'n cɛ yɛ ɔ ´kun i-ɔ.

Nyanndra Mun 17:3

Sin yɛ be fa sa sika ɔkwlɛ'n nin jɛtɛ ufue'n be nian-an. Sanngɛ sran ng'ɔ sa sran i klun lɔ akunndan'n nian'n yɛlɛ Anannganman.

Nyanndra Mun 27:20

Like nga be flɛ i kɛ wie'n, ɔ nin blɔlɔ'n be ku yi-man le. Kɛ sran'n kusu ti sɔ-ɔ, i nyin yi-man like le .

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Jean 21:17

Ɔ usɛli i kpɛ kun ekun kɛ: «?Zan wa Simɔn, a klo min?» I kpɛ nsan su liɛ'n b'ɔ usali i'n, ɔ yoli Piɛr ya yɛ ɔ tɛli su kɛ: «Nannan, a si sa'n kwlaa, a si kɛ n klo wɔ.» Jésus seli i kɛ: «Nian m bua'm be lika.»

Sa nga bé yôli'n 1:24

Yɛ be kan kleli Nyanmiɛn kɛ: «Nannan Nyanmiɛn, ɔ bɔ a si sran'm be kwlaa be anwlɛn'n, sran nnyɔn nga, kle ye be nun kun nga a fɛli i'n,

Hébreu 4:13

Like fi nun-man lɛ bɔ Nyanmiɛn wun-mɛn i-ɔ. Like nga ɔ yili be'n wie fi fiɛ-mɛn i nyrun, i nyin ta be kwlaa. I ja su yɛ e kwlaa e ´kan sa nga e yoli nin-ɔn.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 2:23

N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .

Sa nglô yile 9:11

Be lɛ be famiɛn kun, be famiɛn sɔ'n yɛlɛ kunman dan bɔ be si-mɛn i bo'n i anz'n. Be flɛ i Ebre nun Abadɔn, yɛ Grɛk nun be flɛ i Apoliɔn, i bo yɛlɛ Abɔlɛfuɛ.

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»