Nyanndra Mun 15:10 - NYANMIƐN NDƐ'N 1998

¹⁰ Sran nga b'ɔ yaci atin kpa'n ɔ ko fa tɛ'n, i sɔfuɛ'n, be `tu i fɔ kpa. Nga kusu bɔ be tu i fɔ-ɔ ɔ fa-man'n, san wie'n cɛ yɛ ɔ ´kun i-ɔ.

Nyanndra Mun 15:10 ပူးပေါင်းရင်းမြစ်များ

1 Famiɛn Mun 18:17

Kɛ i nyinma guali Eli wun cɛ'n, ɔ usɛli i kɛ: «Nán wɔ yɛ man nyrɛnnɛn tɔ Izraɛlfuɛ'm be su nin-ɔn?»

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

Zɔb I Nyrɛnnɛn Wunlɛ 34:27

Yɛlɛ kɛ be kacili bé sin be sili i. Be waan be fɛ-mɛn i ndɛ'm be su.

Nyanndra Mun 1:25

Afin fɔ nga n tu amun'n, bɔ amun fa-man nin-ɔn, sɛ n tu amun fɔ bɔ an bu-mɛn i like nin-ɔn,

Nyanndra Mun 1:30

Afin akunndan nga m mannin amun'n, amu'an fa-man su. Afɔtuɛ nga m mannin amun'n, amu'an fa-man su.

Nyanndra Mun 10:17

Sran nga bɔ be tu i fɔ-ɔ ɔ fa sie i klun'n, muae cɛ yɛ ɔ fite su-ɔ. Yɛ sran nga kusu bɔ be kpɛn i su-ɔ ɔ kpiti-man'n, ɔ ti mlinfuɛ.

Nyanndra Mun 12:1

Sran ng'ɔ kplin su kɛ be tu i fɔ'n, i sɔ sran liɛ'n klo kɛ ɔ ´si akunndan. Sran ng'ɔ klo-man kɛ be tu i fɔ'n, ɔ ti sinnglinfuɛ.

Nyanndra Mun 13:1

Ba ng'ɔ si ngwlɛlɛ'n i si kan ndɛ kle i-ɔ, ɔ fa. Sanngɛ wun tufuɛ'n klo-man kɛ be tu i fɔ.

Nyanndra Mun 15:11

Sa kwlaa ng'ɔ o blɔlɔ lɔ'n, Anannganman si nun ndɛ. Nan nán se kɛ sran b'ɔ o yɛ'n i klun ndɛ'n .

Nyanndra Mun 15:9

Anannganman klo-man klunwifuɛ'm be nzuɛn'n. Be nga bɔ sa kpa'n yɛ be kunndɛ be yo'n, i klun jɔ bé wun.

Nyanndra Mun 23:35

A ´se ɔ klun lɔ kɛ: «?N kpa'n, sran wie boli min kusu min lika yo-man min ya? Be boli min nin ngble, m'an wun-man nun. ?N ´yo sɛ nan m'an jaso? Sɛ n yo blɛblɛ nan n jaso'n, n ´srɛ nzan ekun n ´nɔn.»

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Zeremi 2:17

?Izraɛl nvle, nán ɔ bɔbɔ yɛ man i sɔ sa'n ju wɔ su-ɔ? Afin Anannganman bɔ yɛ ɔ ti wɔ atin klefuɛ'n, a kacili ɔ sin sili i.

Ezekiɛl 33:9

Sɛ kusu a bo klunwifuɛ'n i jɔ kɛ ɔ yaci i nzuɛn tɛ'n nan i waan ɔ yaci-man'n, ɔ ´wu i sa tɛ'n nun, sanngɛ ɔ liɛ'n a ´nyan ɔ ti.› »

Jean 3:20

Sran kwlaa ng'ɔ ti sa tɛ yofuɛ'n, ɔ klo-man wia'n mlɔnmlɔn, ɔ fite-man weiin nun, afin ɔ klo-man kɛ be wun i nyoliɛ tɛtɛ'n.

Jean 7:7

Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.