Nyanndra Mun 14:8 - NYANMIƐN NDƐ'N 1998

⁸ Sran ng'ɔ ti akunndanfuɛ'n, ɔ niɛn i wun su kpa. Sinnglinfuɛ'n i sinnzin'n ti ɔ mlin.

Nyanndra Mun 14:8 ပူးပေါင်းရင်းမြစ်များ

Jue Mun 111:10

Be nyin b'ɔ yi Anannganman yɛ ɔ ti ngwlɛlɛ silɛ'n i bo bolɛ nin-ɔn. Be kwlaa nga be yo i sɔ'n, be lɛ akunndan ti-ɔ. I manmanlɛ wie-man mlɔnmlɔn le .

Jue Mun 119:5

N srɛ kɛ man n si nanti nan n mian min nyin n yo wɔ klun sa'n,

Jue Mun 119:73

A siesieli min kɛ be fa wu talie'n sa, kusu wɔ yɛ man n jran ca-a ɔ yo ye-ɔ. Man min ngwlɛlɛ man n `fa suan ɔ mmla mun.

Jue Mun 143:8

Nglɛmun'n, kɛ be ´se kɛ lika'n ɔ'a cɛn cɛ'n, man n wun ɔ klun-ufue'n nun weiin, afin ɔ su yɛ n fa min wla'n gua-a. Atin ng'ɔ ti bɔ n `fa su'n, kle min, afin ɔ́ su yɛ n lafi-ɔ.

Nyanndra Mun 11:18

Like nga sran tɛfuɛ'n yo'n, ɔ nyan-man su. Sran nga kusu bɔ kpa'n yɛ ɔ yo sin'n, kannzɛ ɔ yo sɛ san ɔ ´nyan su le .

Nyanndra Mun 12:5

Sran kpafuɛ mun, sa ng'ɔ ti i su'n yɛ be kunndɛ be yo-ɔ. Sran tɛfuɛ'm be kusu be liɛ'n gblɛgblɛ ninnge mun yɛ be kunndɛ be yo-ɔ.

Nyanndra Mun 15:21

Sran nga b'ɔ si-man ngwlɛlɛ'n, i sinnzin like ng'ɔ yo'n, ɔ yo i bɔbɔ fɛ. Sanngɛ sran ng'ɔ yo i like liɛ cɛcɛ'n, ɔ kunndɛ i nantiwlɛ atin klanman .

Nyanndra Mun 2:9

Sɛ a sie ɔ́ su tie min ndɛ'n, a ´si sa nuan su yolɛ'n nin kpa yolɛ'n be nun ndɛ. A ´si sa kpa'n i yo.

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Akunndanfuɛ'n 2:13

N wunnin kɛ ngwlɛlɛ silɛ'n ti kpa tra sinnzin yolɛ'n, kɛ lika ng'ɔ kpaja ti kpa tra aosin'n sa.

Akunndanfuɛ'n 2:16

I ngwlɛlɛfuɛ o, i sinnglinfuɛ o, be kwlaa be wu, yɛ kɛ ɔ ´cɛ kɔ'n, sran'm be wla fi be su.

Zeremi 13:20

«Zerizalɛm, man ɔ nyin'n su nian be bɔ be fin mɛn'n i nglo lɔ be su ba'n. ?Ɔ sran nga be fa be mannin wɔ'n be o nin? ?Ɔ sran sɔ mun bɔ man be ti a lɛ nyrun'n be o nin?

1 Korɛntfuɛ Mun 3:19

Afin sran'm be ngwlɛlɛ'n bɔ be waan be si i'n, ɔ ti sinnzin Nyanmiɛn nyrun. Afin be klɛli i kɛ: «Ngwlɛlɛfuɛ'm be bɔbɔ be gblɛ bɔ be kpɛ'n yɛ Nyanmiɛn fa tra be-ɔ .»

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Efɛzfuɛ Mun 5:17

I sɔ'n ti'n, nán an yo sinnglinfuɛ, sanngɛ an `mian amún nyin kɛ amun ´si like nga e Min'n klo kɛ an yo'n.

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

Jacques 3:13

?Amun nun onin yɛ ɔ si ngwlɛlɛ b'ɔ wun sa wlɛ-ɔ? Man be wun i sɔ i nzuɛn kpa'n nin sa kpa ng'ɔ yo be'n nun, yɛ man be wun kɛ ɔ yo i wun aenvuɛ yɛ ɔ ti ngwlɛlɛfuɛ.