Nyanndra Mun 14:32 - NYANMIƐN NDƐ'N 1998

³² Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Nyanndra Mun 14:32 ပူးပေါင်းရင်းမြစ်များ

Bo Bolɛ 49:18

Ee! Anannganman, n lafi su kɛ a ´de min.

Zɔb I Nyrɛnnɛn Wunlɛ 13:15

Sɛ Nyanmiɛn waan ɔ ´kun min'n, man ɔ kun min. Kannzɛ ɔ yo sɛ, i su yɛ n ´fa min wla'n n ´gua-a. Sɛ i li ɔ ko yo nan n ko kpli min ti i nyrun'n,

Zɔb I Nyrɛnnɛn Wunlɛ 18:18

B'a fuɛn i wia'n nun b'a yi i aosin'n nun. B'a kɛn i bo mɛn'n nun mlɔnmlɔn.

Jue Mun 16:11

A ´yo man n ´wun nguan'n i atin'n. Kɛ be nin wɔ tran'n, be klun jɔ lele tra su, aklunjuɛ nga be di'n ɔ lɛ-man awieliɛ .

Jue Mun 17:15

N liɛ'n, m'an yo-man sa, ɔ man n nian wɔ-ɔ ɔ yo ye. Kɛ n lafi n tinnge'n b'ɔ n wun wɔ'n, n klun jɔ lele tra su.

Jue Mun 23:4

Sɛ bɔ n su sin kongo tuun kpa b'ɔ yo sro'n i nun'n, srɛ bɔ kaan sa kun-man min, afin Anannganman, a nin min yɛ e kɔ-ɔ, yɛ ɔ waka bɔ a fa kle min atin'n, ɔ nin ɔ kpɔnman bɔ a fa sasa min'n, be ti n koko-man.

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Jue Mun 58:9

Man be yo kɛ buye kanngan bɔ kɛ be ´nanti be ´kɔ'n, wuun be ´wu kee'n sa. Man be yo kɛ ba bɔ be ´wu i-ɔ, ɔ'a wu i nin klun sa, nán man be wun wia'n wun kun le.

Jue Mun 73:24

Ɔ bɔbɔ wɔ akunndan liɛ'n yɛ a fa tinngɛ min-ɔn, yɛ cɛn kun a ´fa min kɔ wɔ anyrunnyan dan'n i lika'n nun lɔ.

Nyanndra Mun 11:5

Nanwlɛ nga nanwlɛ difuɛ'n ɔ di'n, ɔ siesie i nyrun atin'n klanman, klunwifuɛ'n kusu i klunwi'n dunman nun ti ɔ ti mlinfuɛ.

Nyanndra Mun 14:33

Akunndanfuɛ'n ɔ si ngwlɛlɛ. ?Be kwla wun i sinnglinfuɛ'm be afiɛn?

Nyanndra Mun 24:16

Afin sran kpa'n, blɛ wie nun ɔ kwla tɔ. Sɛ ɔ tɔ kpɛ nso sɔ bɔbɔ'n, sanngɛ ɔ jaso. Klunwifuɛ'm be liɛ'n, kɛ sa'n ko nyan be'n, wuun i ala!

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Nyanndra Mun 6:15

Cɛn nga sa ´tɔ i su'n, ɔ ti le kunngba. Be kunndɛ i ayre kusu-ɔ be su nyɛn-mɛn i. Awieliɛ tɛ'n yɛ ɔ ´wie i wia ba kunngba bo-ɔ.

JÉSUS-CHRIST I DYASIN FE'N BO LUC KLELI'N 2:29

«Nannan, ndɛ nga a kannin'n ɔ'a ju, m bɔ n ti ɔ sran'n, man min atin man n wɔ blɛlɛlɛ siɛn'n.»

Jean 8:21

Jésus seli be ekun kɛ: ɔ su kɔ, be wa kunndɛ i, sanngɛ bé sa tɛ'n ´ka bé wun be ´wu. I waan lika ng'ɔ kɔ lɔ'n, be su kwla kɔ-man lɔ wie.

Jean 8:24

I sɔ'n ti yɛ n seli amun kɛ amún sa tɛ'n ´ka amun wun nan amun ´wu nin-ɔn, afin sɛ an lafi-man sran wafa nga n ti su'n, amún sa tɛ'n ´ka amun wun amun ´wu.»

Rɔmfuɛ Mun 9:22

?Yɛ Nyanmiɛn kusu yo-man sran'm be kɛ sɛ ufuɛ'n yo i sɛ mun'n sa? ?Sɛ ɔ klo kɛ sran'm be si kɛ ɔ'a fa be wun ya, sɛ ɔ klo kɛ be si kɛ ɔ kwla sa kwlaa yo'n, yɛ sɛ be nga be kun i ya bɔ be nin kunlɛ fata'n b'ɔ blu su'n, ɔ kwla yo-mɛn i sɔ ?

2 Korɛntfuɛ Mun 1:9

Nanwlɛ, e bu kɛ b'a sie e kɛ be kun e. Sa sɔ'n yoli sɔ nan y'a lafi-man e bɔbɔ e su, sanngɛ y'a lafi Nyanmiɛn b'ɔ cɛn sran nga be wu'n i su.

2 Korɛntfuɛ Mun 5:8

Kɛ é wla'n gua ase kɛ nga sa'n, ɔ man sɛ e jao wa e ko tran e Min'n i awlo lɔ'n, ɔ ti kpa.

Filipfuɛ Mun 1:21

afin n like liɛ nga ti yɛ n wo mɛn'n nun'n yɛlɛ Krist, yɛ wie'n ti min nvasuɛ.

Filipfuɛ Mun 1:23

N ti mianfuɛ i bue nnyɔn'n nun, sa ng'ɔ yo n fɛ kpa tra su'n yɛlɛ kɛ n ´kɔ nan min nin Krist e ´ko tran, i sɔ'n yɛ ɔ ti kpa-a.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

2 Timote 4:18

E Min'n ´de min sa tɛtɛ'n kwlaa nun, ɔ ´nian n su, ɔ ´fa min kɔ i mɛn'n nun nyanmiɛn su lɔ. Man e yi i ayɛ tititi, nán e yaci i le! Man ɔ yo sɔ!

Sa nglô yile 14:13

N tili sran kun nɛn nyanmiɛn su lɔ, ɔ seli kɛ: «Klɛ ndɛ nga, klɛ i kɛ: ‹Kɛ ɔ fin ndɛ'n, be nga be nin e Min'n b'a kaci sran wunmuan bɔ be wu'n, be liɛ su ti ye!› » Nyanmiɛn Wawɛ'n se kɛ: «Ɔ ti sɔ. Be wa yaci be junman kekle bɔ be di'n be ´de wunmiɛn, afin be nin be nyoliɛ kpa'n yɛ be ´kɔ-ɔ.»