Nyanndra Mun 14:31 - NYANMIƐN NDƐ'N 1998

³¹ Sran ng'ɔ mian-mian yalɛfuɛ mun'n, wuun ɔ su kpɛ Nyanmiɛn b'ɔ yili be'n i nzowa. Sran ng'ɔ si yalɛfuɛ'n i aunnvuɛ'n, ɔ bu Nyanmiɛn sran .

Nyanndra Mun 14:31 ပူးပေါင်းရင်းမြစ်များ

Nyanndra Mun 22:2

Sikafuɛ nin yalɛfuɛ'n be kpaci-man, Anannganman yɛ ɔ boli be nnyɔn nin-ɔn.

Nyanndra Mun 22:16

Sran ng'ɔ kle yalɛfuɛ'n i yalɛ'n, wuun ɔ su mɛn i anyanbeun. Sran nga kusu b'ɔ cɛ wlengbifuɛ like'n, i bɔbɔ di yalɛ.

Nyanndra Mun 17:5

Sran ng'ɔ sri yalɛfuɛ mun'n, wuun ɔ'a lo Anannganman b'ɔ boli be'n i ngasi. Sran nga bɔ sɛ ndɛ nyɛn i wiengu-ɔ ɔ sri i'n, Anannganman su yaci cɛ-mɛn i .

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

1 Jean 4:21

An `nian, mmla nga Krist fa mannin ye'n yɛ: i waan sran ng'ɔ klo Nyanmiɛn'n man ɔ klo i niaan kusu.

Akunndanfuɛ'n 5:8

Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jean 12:8

Amun nin yalɛfuɛ mun yɛ amun ´ka wa titi-ɔ, sanngɛ n liɛ'n, min nin amun su tran-man wa titi .»

Nyanndra Mun 14:21

Sran ng'ɔ yo i wiengu finfin'n, wuun ɔ'a yo sa tɛ, sran ng'ɔ wun nyrɛnnɛnfuɛ'm be aunnvuɛ'n, i liɛ su ti ye!

Saun Yolɛ 25:17

Nán amun di amun niaan kun lufle, amun nyin `yi min. Afin min yɛ n ti Anannganman amun Nyanmiɛn nin-ɔn.

Mmla'n 24:14

Nán amun nian kɛ amun junman difuɛ'n ti yalɛfuɛ b'ɔ lɛ-man nyrun'n ti amun bu i lufle. Sɛ ɔ ti Izraɛlfuɛ o, sɛ ɔ ti aofuɛ wie b'ɔ tran amun mɛn'n nun klɔ kun su o, nán amun bu i lufle.

Zɔb I Nyrɛnnɛn Wunlɛ 24:4

Be fuan yalɛfuɛ mun atin'n nun. Be nga be o nyrɛnnɛn nun'n be fite-ɔ ɔ yo-man ye, san fialɛ yɛ be fia-a.

Nyanndra Mun 28:8

Sɛ sran kun ɔ nyɛn i wun sran'm be asubo manlɛ nun, i bo ninnge ɔ ´yo be nga be si yalɛfuɛ'm be aunnvuɛ'n be liɛ .

Saun Yolɛ 25:35

«Sɛ yalɛ di amun niaan kun nan i sa ɔ'a mian'n, ɔ fata kɛ amun ukɛ i nan ɔ'a kwla di alaje nan ɔ'a tran amún wun lɛ. Sɛ aofuɛ wie o amún wun lɛ'n nan ɔ nin amun yɛ be tran lɛ'n, nantilɛ kunngba ng'ɔ o lɛ'n yɛ amun nin i be `nanti-ɔ.