Nyanndra Mun 14:30 - NYANMIƐN NDƐ'N 1998

³⁰ Bé wla b'ɔ gua ase'n ɔ yo man be yo juejue, sanngɛ anyinbloɛ ɔ ti kɛ ngbaciɛ b'ɔ o be owie'n nun'n sa.

Nyanndra Mun 14:30 ပူးပေါင်းရင်းမြစ်များ

1 Famiɛn Mun 21:6

Akab tɛli i su kɛ: «N seli Nabɔt b'ɔ ti Zizreɛlfuɛ'n kɛ ɔ fɛ i vinyi fie'n man min man n to, annzɛ sɛ ɔ klo'n, n ´fa vinyi fie uflɛ n ´sie i osu, kpɛkuun ɔ tɛli mín su kɛ: ‹N fa-man min vinyi fie'n n man-man wɔ.› »

Zɔb I Nyrɛnnɛn Wunlɛ 5:2

Klunngbɔ'n ɔ kun sinnglinfuɛ'n. Sran b'ɔ si-man sa'n, ɔ fa ya lele ɔ ka nun wu.

Jue Mun 112:10

Kɛ klunwifuɛ'n wun i sɔ'n, ya kun i, kɛ ɔ kɛkɛ i nuan bui'n sa, kpɛkuun i wun glɔ i. Sa nga klunwifuɛ'm be waan ɔ ´ju'n, ɔ kpɛn-man su le.

Jue Mun 119:80

Min wan n tu n klun n yo ɔ klun sa'n, i liɛ'n nyannzuɛn su kun-man min ɔ nyrun.

Nyanndra Mun 12:4

Bla ng'ɔ ti bla kpa'n ɔ mɛn i wun i kɔmin su. Bla nga kusu b'ɔ gua i wun nyin ase'n, ɔ ti kɛ ngbaciɛ yɛ ɔ su kpaci i owie'n nun sa .

Nyanndra Mun 15:13

Aklunjuɛ'n yɛ ɔ titi be nyrun-ɔn. Kɛ be klun jɔ-man'n, akunndan'n ti sannganwa.

Nyanndra Mun 17:22

Aklunjuɛ'n ti kɛ ayre sa. Sɛ be klun ti-man jɔwa'n, bé wun kpaja-man be.

Nyanndra Mun 3:8

I liɛ'n, ɔ wunnɛn'n nun ´sanndi wɔ weiin, ɔ́ wun ´jɔ wɔ fɔuun!

Nyanndra Mun 4:23

Ɔ ti'n bɔ a fa bu akunndan'n, sie i kpa tra ninnge'm be kwlaa, afin i nun yɛ nguan'n i bo'n fin-ɔn.

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Sa nga bé yôli'n 7:9

E nannan'm bé nyin cili Zozɛf, nan b'a yo i atɛ kɛ kanga sa nan be `fɛ i ɔ Ezipt, sanngɛ Nyanmiɛn jrɛnnin i sin .

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

2 Timote 1:7

Afin Nyanmiɛn a fɛ-mɛn i Wawɛ'n ɔ'a man-man e kɛ e sa nyan, sanngɛ ɔ fa mannin e kɛ ɔ `wla e fanngan, e `klo i bɔbɔ Nyanmiɛn nin sran, yɛ e `si ngwlɛlɛ.

Jacques 4:5

?Nyanmiɛn Ndɛ nga be klɛli i kɛ Nyanmiɛn Wawɛ'n b'ɔ fa mannin ye'n jrɛn i nuan si i ti kwla'n, an bu i kɛ be klɛli i ngbɛn ?