Nyanndra Mun 14:3 - NYANMIƐN NDƐ'N 1998

³ Sinnglinfuɛ'n i ijɔlɛ nun be wun kɛ ɔ ti wun tufuɛ. Be nga be si akunndan'n bé nuan liɛ'n ɔ sasa be.

Nyanndra Mun 14:3 ပူးပေါင်းရင်းမြစ်များ

Zɔb I Nyrɛnnɛn Wunlɛ 5:21

Ɔ fa wɔ sie, sran'm bé nuan su to-man wɔ, sɛ be ´saci sran'm be bo ninnge mun'n, srɛ su kun-man wɔ.

Jue Mun 12:3

Sran'm be suɛn tɔnlɛ'n yɛ sran wie'm be waan be fa man be-ɔ. Be nuan nun ndɛ'n ti sa nɛnkɛn-nɛnkɛn, sanngɛ be anwlɛn'n ti nnyɔn-nnyɔn.

Jue Mun 31:18

Anannganman, sɛ n kpan flɛ wɔ'n, nán man mín nyin gua ase. Be nga be bu-man wɔ like fi'n bɔ be bu-man ɔ nuan ndɛ'n i like fi'n, man be yɛ bé nyin gua ase-ɔ. Man wie'n ɔ fa be, man be nuan'n ɔ kata.

Jue Mun 57:4

Kɛ ɔ o nglo lɔ'n, ɔ wa uka min. Ɔ wa yo man sran ng'ɔ su min su nin ndɛnngan'n ɔ ´wun nyannzuɛn. Man ɔ yi i klun-ufue b'ɔ wie-man'n i nglo kle min.

Nyanndra Mun 12:6

Klunwifuɛ'm bé nuan nun ndɛ'n ti kɛ aya sa. Sran ng'ɔ tɔ nun-ɔn, san wulɛ cɛ yɛ ɔ wu-ɔ. Sran kpafuɛ'm be kusu bé nuan waka'n yɛ be fa de sran mun-ɔn.

Nyanndra Mun 13:3

Sran ng'ɔ si i nuan'n sie'n, wuun ɔ si i wun sasa. Sran nga kusu b'ɔ ijɔ-ɔ ɔ lɛ-man kpɛbo'n, san mlinlɛ yɛ ɔ mlin-ɔn.

Nyanndra Mun 14:4

Kɛ nannin nga be di junman'n be nun-man lɛ'n, tanngannin'm be ka lɛ ngbɛn. Kɛ nnɛn'm be wunmiɛn fa ti'n, yɛ be fa nyan aliɛ kpanngban-an.

Nyanndra Mun 18:6

Sinnglinfuɛ'n i ndɛ ng'ɔ kan'n, ndɛnngan yɛ ɔ bɛ i sin-ɔn, i kunngba'n ɔ klɔklɔ utre.

Nyanndra Mun 18:7

Sinnglinfuɛ'n i ndɛ ng'ɔ kan'n, ɔ ti i bɔbɔ i nguan nyanman nun kpɛkpɛlɛ. I bɔbɔ i nuan'n yɛ ɔ kun i-ɔ.

Nyanndra Mun 21:24

Sran nga b'ɔ bu-man sran fi sran'n, bɔ i nuan nun ndɛ'n ti tɛtɛ'n, i sɔ sran liɛ'n, be flɛ i kɛ sran finfin yofuɛ. Ɔ tu i wun sa kwlaa nun.

Nyanndra Mun 22:8

Sran ng'ɔ yo sa ng'ɔ ti-mɛn i nuan su'n, nyrɛnnɛn'n cɛ yɛ ɔ tɔ i su-ɔ. Afin wunmiɛn ng'ɔ lɛ i b'ɔ fa yo sa tɛtɛ'n ɔ ´wie cɛn kun.

Nyanndra Mun 28:25

Wun tufuɛ'n ɔ kpɛ utre ba. Sran nga kusu b'ɔ fɛ i wun man Anannganman'n, ɔ nyan muae.

Daniɛl 7:20

N usɛli i wɛ blu bɔ be o i ti'n su'n bé wun ndɛ. Yɛ n usɛli i wɛ kun'n b'ɔ fili b'ɔ yoli man laa liɛ be nun nsan be tutu guali'n i wun ndɛ ekun. I wɛ sɔ'n ɔ lɛ nyinma, ɔ kan wun tulɛ ndɛ mun. Kɛ be wun i'n, ɔ yo kɛ ɔ yo sro tra be nga mun.

2 Piɛr 2:18

Be ijɔ dandan ngbɛn, be fa ninnge nga klɔ sran nyin blo su'n laka be nga be nin be wiengu bɔ be fa-man atin kpafuɛ su'n be su bu'n.

Sa nglô yile 12:11

Bua Gbanflɛn'n i mmoja'n nin ndɛ nanwlɛ bɔ e niaan sɔ'm be kan'n ti be kwlɛli i, yɛ b'a bu-man be bɔbɔ bé wun like fi, i ti b'a sro-man wie'n.

Sa nglô yile 3:10

An fa ndɛ bɔ n kan kleli amun kɛ an tra amun anwlɛn'n su. Ɔ man kɛ sa kekle ´tɔ mɛn wunmuan'n su sran'm be kwlaa be sa nianlɛ'n ti'n, n kusu n ´sasa amun.

1 Samiɛl 2:3

Man be yaci ndɛ dandan'm be kanlɛ beblebe'n! Man be yaci ndɛ tɛtɛ'm be kanlɛ, afin Anannganman ti Nyanmiɛn kun b'ɔ si sa'n ngba, yɛ sɛ n ´kwla se'n, ɔ sunnzun sa'n kwlaa i toe'n su.