Nyanndra Mun 14:2 - NYANMIƐN NDƐ'N 1998

² Sran ng'ɔ nanti klanman nanwlɛ su'n, i nyin yi Anannganman. Sran ng'ɔ nanti-man klanman nanwlɛ su'n, ɔ yo Anannganman i finfin.

Nyanndra Mun 14:2 ပူးပေါင်းရင်းမြစ်များ

2 Samiɛl 12:9

?Yɛ ɔ yo sɛ ti yɛ a yoli min ndɛ'm be finfin, bɔ a yoli sa nga n klo-mɛn i nin-ɔn? A kunnin Iri b'ɔ ti Ɛtfuɛ'n. A yoli man Amɔnfuɛ'm be kunnin i alɛ'n nun, kpɛkuun a fɛli i yi'n yoli ɔ liɛ .

1 Famiɛn Mun 3:6

Salomɔn waan: «Kɛ a ko yo mín si David b'ɔ ti ɔ sufuɛ'n i kpa'n yɛ a yoli-ɔ. Yɛ i kusu ɔ yoli sran nanwlɛfuɛ, i nantilɛ'n yoli sɛsɛ, ɔ'a fɔn-man wɔ atin'n su. Ɔ man a kpɔci-mɛn i, a mɛnnin i ba yasua kun b'ɔ su di i aja kɛ e ´se yɛ'n.

2 Famiɛn Mun 17:34

Lele ndɛ be like nga be yoli be laa'n, be tɛ yo. Be su-man Nyanmiɛn. Be di-man be bɔbɔ be mmla'm bé su, kusu be fa-man Anannganman i mmla fanunfanun'm be su. I mmla sɔ'n, ɔ fa be mannin Zakɔb b'ɔ kacili i dunman'n kɛ Izraɛl'n i osu'n nunfuɛ mun.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 12:4

Kɛ n ´srɛ Nyanmiɛn'n, n lafi su kɛ ɔ ´tɛ min su. Kpɛkuun min yɛ min janvuɛ'm be su yo min finfin yɛ. Sran kpa bɔ be kwla saci-mɛn i wun kaan sa'n, yɛ be su yo i finfin yɛ.

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Jue Mun 112:1

An `manman Anannganman! Sran nga i nyin yi Anannganman'n, bɔ Anannganman i mmla'm be su falɛ'n ɔ yo i fɛ'n, i liɛ su ti ye!

Jue Mun 25:21

Ɔ su yɛ n lafi-ɔ. Uka min, nán man n yo sa tɛ. Man n nanti kɛ ɔ fata'n sa.

Nyanndra Mun 11:12

Sran ng'ɔ kɛn i wiengu wun ndɛ tɛ'n, wuun i sɔ sran liɛ'n wun-man sa wlɛ. Sran ng'ɔ si ngwlɛlɛ'n, ɔ ijɔ-man finfin.

Nyanndra Mun 16:17

Sran nga be ti kpa'n be kaci bé sin be si sa tɛ yolɛ'n. Sran ng'ɔ ´nanti-ɔ ɔ sɛsɛ i wun'n, wuun i nguan'n yɛ ɔ ´sɛsɛ i lɛ-ɔ.

Nyanndra Mun 16:6

Sɛ a ti sran kpa bɔ a di nanwlɛ'n, be yaci ɔ́ wun sa be cɛ wɔ. Sran nga i nyin yi Nyanmiɛn'n, ɔ klo-man sa tɛ yolɛ.

Nyanndra Mun 19:1

Kɛ n ko to gblɛ n ko sin nan n ko yo sinnglinfuɛ'n, ɔ flunman kɛ n `yo yalɛfuɛ nan n yo nanwlɛfuɛ.

Nyanndra Mun 2:15

be bɔ atin ng'ɔ ti sein'n, be fa-man su'n, bɔ be atin'n ti sa klɛklɛ'n, nán a nin be san nun.

Nyanndra Mun 28:6

Kɛ be se kɛ n ti anyanbeunfuɛ kusu wuun n ti gblɛfuɛ'n, ɔ flunman kɛ n `yo yalɛfuɛ nan n yo nanwlɛfuɛ.

Akunndanfuɛ'n 12:13

E `sie é su e tie ndɛ'n kwlaa ng'ɔ o lɛ'm be atabo'n: man ɔ́ nyin yi Nyanmiɛn, yɛ nanti i mmla'm be su. Like ng'ɔ fata kɛ klɔ sran kwlakwla yo'n yɛ ɔ o lɛ-ɔ.

JÉSUS-CHRIST I DYASIN FE'N BO LUC KLELI'N 10:16

Sran ng'ɔ fa amun ndɛ'n su'n, wuun min ndɛ'n su yɛ ɔ'a fa-a. Sanngɛ sran ng'ɔ sɔ-man amun nun'n, wuun ɔ'a sɔ-man min nun, yɛ sran ng'ɔ sɔ-man min nun'n, wuun ɔ'a sɔ-man sran ng'ɔ sunmannin min'n, i nun.»

JÉSUS-CHRIST I DYASIN FE'N BO LUC KLELI'N 16:14

Farizifuɛ mun bɔ be klo sika'n, be tili ndɛ sɔ'n nan b'a sri Jésus.

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Sa nga bé yôli'n 10:35

sanngɛ nvle kwlaa nun'n, sran ng'ɔ sro i b'ɔ yo i klun sa'n, i klun jɔ i wun.

Sa nga bé yôli'n 9:31

Asɔnunfuɛ'm bɔ be o Zide, nin Galile, ɔ nin Samari mɛn wunmuan'n nun lɔ'n, be lɛ alaje, yɛ asɔnun'n kɔ i nyrun. Kɛ bɔ asɔnunfuɛ'm be nyin yi e Min'n bɔ Nyanmiɛn Wawɛ'n jran bé sin ti'n, be trɛ.