Nyanndra Mun 14:16 - NYANMIƐN NDƐ'N 1998

¹⁶ Sran akunndanfuɛ'n ɔ sro sa tɛ yolɛ'n. Ɔ man ɔ yo-man sa tɛ. Sran ng'ɔ ti sinnglinfuɛ'n i liɛ'n, ɔ tu i wun, afin ɔ lafi i bɔbɔ wun su.

Nyanndra Mun 14:16 ပူးပေါင်းရင်းမြစ်များ

Bo Bolɛ 33:9

Yɛ Ezau waan: «Min niaan, n like liɛ nga n lɛ i'n ɔ sɔnnin, fa ɔ liɛ'n.»

Bo Bolɛ 42:18

I cɛn nsan'n su'n, Zozɛf seli be kɛ: «Min nyin yi Nyanmiɛn, i ti, n wa kle amun sa kun. Sɛ amun nian su yo'n, amun ´fite nun.

1 Famiɛn Mun 19:2

Zezabɛl sunmannin sran kun kɛ ɔ ko se Eli kɛ: «Sɛ ainman dɔ kunngba nga su'n, m man b'a kun-man wɔ kɛ a fa kunnin Baal i nuan ijɔfuɛ'm be sa'n, man amuɛn'm be kun min.»

1 Famiɛn Mun 20:18

Yɛ ɔ seli kɛ: «Sɛ be bali e srɛlɛ kɛ nán e kun alɛ'n, amun `tra be nán amun kun be. Sɛ kusu alɛ kunlɛ yɛ be ba'n, amun `tra be, nan amun `kun be.»

Neemi 5:15

Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 28:28

Kpɛkuun ɔ seli klɔ sran'n kɛ: Be nyin bɔ yi Anannganman'n, yɛ be flɛ i ngwlɛlɛ nin-ɔn. Sa tɛ'n i atin'n su jasolɛ'n yɛ ɔ ti ngwlɛlɛ nin-ɔn.

Jue Mun 119:120

Kɛ n ti ɔ ngan'n, n usu srɛ b'ɔ kun min'n ti, yɛ jɔlɛ nga a di be'n, n nyin yi be.

Jue Mun 34:14

nán man ɔ ijɔ tɛtɛ kun. Man ɔ yaci ato bualɛ'n.

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Nyanndra Mun 14:15

Sran nga i bɔbɔ ɔ kwla ukɛ-mɛn i wun'n, ɔ lafi ndɛ kwlaa nga be kan kle i'n su. Sran ng'ɔ si sa'n kusu, ɔ niɛn i ja ng'ɔ tu'n su kpa.

Nyanndra Mun 14:17

Sran ng'ɔ fa ya ndɛndɛ'n, ɔ yo sa sinnzin su. Yɛ sran ng'ɔ bu-man akunndan kpa'n, sran'm be kpɔ i.

Nyanndra Mun 16:17

Sran nga be ti kpa'n be kaci bé sin be si sa tɛ yolɛ'n. Sran ng'ɔ ´nanti-ɔ ɔ sɛsɛ i wun'n, wuun i nguan'n yɛ ɔ ´sɛsɛ i lɛ-ɔ.

Nyanndra Mun 16:6

Sɛ a ti sran kpa bɔ a di nanwlɛ'n, be yaci ɔ́ wun sa be cɛ wɔ. Sran nga i nyin yi Nyanmiɛn'n, ɔ klo-man sa tɛ yolɛ.

Nyanndra Mun 22:3

Sran ng'ɔ ti ngwlɛlɛfuɛ'n, kɛ ɔ wun kɛ ndɛ tɛ wie su ba'n, kpɛkuun ɔ'a cuɛn i wun ɔ'a yi i ja. Sanngɛ be nga be bɔbɔ be kwla uka-man be wun'n be liɛ'n, be ko kuku bé wun yi nun, kpɛkuun b'a wun i nuan sa fiaan.

Nyanndra Mun 28:14

Sran ng'ɔ sro sa tɛ'n i yolɛ mlɔnmlɔn'n, i liɛ su ti ye! Sran nga kusu bɔ be se i sa-a ɔ fɛ-mɛn i ti de-man'n, san nyrɛnnɛn'n yɛ ɔ ´tɔ i su-ɔ.

Nyanndra Mun 29:9

Sɛ ngwlɛlɛfuɛ kun nin sinnglinfuɛ kun be nyan akplowa silɛ'n, man ngwlɛlɛfuɛ'n ɔ fa ya sɛ annzɛ kusu man ɔ sri sɛ, nán kɛ be wa ti bé wun aniɛn ti-ɔ.

Nyanndra Mun 3:7

Nán bu ɔ wun kɛ a si akunndan, man ɔ́ nyin yi Anannganman, nán yo tɛ .

Nyanndra Mun 7:22

Kɛ e ijɔwa yɛ'n, ɔ su i su gunmɔngunmɔn kɛ nannin wie bɔ b'a fɛ i be su kɔ i kunlɛ'n sa, i sinnzin'n ti be nyɛnnin i nan b'a bo i bolɛ kpa.

Akunndanfuɛ'n 10:13

Kɛ sinnglinfuɛ'n ɔ ´kɛn i ndɛ wie'n, ɔ bo i bo nin ndɛ ngbɛn-ngbɛn mun. Kɛ ɔ ´gua'n, ɔ guɛ i bo nin fia ndɛ mun.

Kalɛ 22:27

Kɛ aflunmun'n wunnin Anannganman i anz'n, ɔ tɔli asiɛ wun gblo Balaam i bo. Balaam fali ya dan kpa, ɔ fɛli i waka'n nan ɔ'a bo i.

Jean 9:40

Kɛ Farizifuɛ wie'm bɔ be nin i o lɛ'n be tili ndɛ sɔ'n, be usɛli i kɛ: «?E kusu e ti anyansifuɛ wie?»

1 Tɛsalonikfuɛ Mun 5:22

an `nian amun wun sa tɛtɛ'n kwlaa be lika.