Nyanndra Mun 14:14 - NYANMIƐN NDƐ'N 1998

¹⁴ Sran nga i nzuɛn ti-man kpa'n, ɔ fɛ i sa tɛtɛ'm bé su afɛ'n. Sran kpa'n i klun jɔ, sa kpa b'ɔ yo be'n be ti.

Nyanndra Mun 14:14 ပူးပေါင်းရင်းမြစ်များ

Jue Mun 109:17

Sannzan bolɛ'n yɛ ɔ klo i-ɔ, man sa tɛ ng'ɔ gugu'n ɔ ju i bɔbɔ su. Ɔ nian bo-man muae nian man-man sran le, nán man i kusu nyan muae le.

Nyanndra Mun 12:14

Kɛ sran kun ´nyan muae'n, ɔ fin i nuan nun ndɛ'n. Junman nga sran kun di'n, i nuan like yɛ ɔ nyɛn i-ɔ.

Nyanndra Mun 12:21

Sa tɛ fi sa nyan-man klun-ufuefuɛ'n. Sanngɛ sa tɛtɛ'n kwlaa ti sin yia klunwifuɛ mun .

Nyanndra Mun 14:10

Klunngbɔ ng'ɔ o sran kun klun'n, i bɔbɔ kunngba yɛ ɔ si i-ɔ. I aklunjuɛ'n kusu kɛ ɔ fa ti ju'n, sran kun sa si-mɛn i.

Nyanndra Mun 14:15

Sran nga i bɔbɔ ɔ kwla ukɛ-mɛn i wun'n, ɔ lafi ndɛ kwlaa nga be kan kle i'n su. Sran ng'ɔ si sa'n kusu, ɔ niɛn i ja ng'ɔ tu'n su kpa.

Nyanndra Mun 18:20

Sran kun i nuan nun ndɛ'n yɛ man ɔ nyan like di mɛn i ku sɛ-ɔ. Sran kun i nuan su ndɛ'n, yɛ man i ku yi-ɔ.

Nyanndra Mun 9:12

Sɛ a si akunndan-an, ɔ ti ɔ bɔbɔ ɔ liɛ. Sɛ kusu a ti tutrefuɛ-ɔ, i su ndɛ ng'ɔ ba'n, ɔ ti ɔ kunngba cɛ ɔ ndɛ.

Zeremi 17:5

Anannganman'n wan yoo: «Sran ng'ɔ yaci min Anannganman'n n lɛ bɔ sran su yɛ i wla'n wo'n, bɔ klɔ sran bɔ i nyin tɛ'n i su yɛ ɔ lafi'n nán man ɔ wun ye le!

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 8:5

?Yɛ ɔ yo sɛ ti yɛ Zerizalɛmfuɛ'm be nyin kekleke'n ti tantrantan sa-a? B'a fa bé wun b'a mantan ato ninnge mun saa, nán bé wun kpɔcilɛ yɛ be ko kpɔci-ɔ.

Ezekiɛl 22:31

Yɛ n fali min ya dan'n n guali be su-ɔ, min ya b'ɔ ti kɛ sin sa'n, n fa sacili be, n yoli man be suali be nzuɛn tɛ'n i su afɛ'n.» Anannganman Nyanmiɛn'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:16

Izraɛlfuɛ'm be yoli nyin kekle. Be yoli kɛ nannin bla wie bɔ be ´sie i kɔmin su waka-a ɔ kpli-man su'n sa. Ɔ man i ti siɛn'n, Anannganman ɔ wa yo be kɛ bua ba wie bɔ b'a to i kunngba cenje b'a yi i aawlɛ wie nun b'ɔ su didi'n sa.

Sofoni 1:6

Be nga be kaci bé sin be si min Anannganman, bɔ be bua-man min ndɛ nun, be usa-man min ngwlɛlɛ afɛ'n, n ´nunnun be.»

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

Galasifuɛ Mun 6:4

Man sran kun niɛn i bɔbɔ i nyoliɛ'n, sɛ ɔ wun kɛ ɔ ti kpa'n, ɔ ´yo i fɛ, ɔ man ɔ su fa-man sran uflɛ liɛ'n sunnzun-mɛn i liɛ'n.

Galasifuɛ Mun 6:8

Sɛ sran kun lua like nga i bɔbɔ klun klo'n, i mma nga b'ɔ ti'n yɛlɛ i bɔbɔ i klun sa bɔ i agualiɛ yɛlɛ wie'n. Sanngɛ sɛ ɔ lua like nga Nyanmiɛn Wawɛ'n klo i'n, i mma nga Wawɛ sɔ'n man ɔ ti'n yɛlɛ anannganman nguan'n.

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.