Nyanndra Mun 14:12 - NYANMIƐN NDƐ'N 1998

¹² Atin wie o lɛ, an wun i-ɔ ɔ waan ɔ ti kpa, sanngɛ i agualiɛ'n yɛlɛ wie.

Nyanndra Mun 14:12 ပူးပေါင်းရင်းမြစ်များ

1 Famiɛn Mun 12:26

Zeroboam seli i wun kɛ: «Nga, min nvle'n nunfuɛ'm be ´sa bé sin be ´kɔ David osu'n nunfuɛ'm bé sin,

1 Famiɛn Mun 12:28

Famiɛn'n fali akunndan kun. Ɔ fali sika ɔkwlɛ fa yoli nannin ba nnyɔn yɛ ɔ seli nvle nunfuɛ'm be kɛ: «Izraɛlfuɛ mun, amu'an ɔ Zerizalɛm wie ala! Amun ninnge nga be ko fali amun Ezipt lɔ bali'n be yɛ be o yɛ .»

Nyanndra Mun 12:15

Sran ng'ɔ wun-man sa wlɛ'n, i nyrun atin'n ti kunngba trelele, sanngɛ sran ng'ɔ ti akunndanfuɛ'n be tu i fɔ-ɔ ɔ fa.

Nyanndra Mun 16:25

Atin wie o lɛ'n a wun i-ɔ, ɔ waan ɔ ti kpa sanngɛ i agualiɛ'n yɛlɛ wie.

Nyanndra Mun 30:12

Sran'n wie o lɛ'n, ɔ bu i wun saun kusu wuun ɔ nian salo-mɛn i wun fiɛn'n le.

JÉSUS-CHRIST I DYASIN FE'N BO LUC KLELI'N 13:24

«An `mian amún nyin an `sin anuan fii'n nun. Afin an `nian, sran kpanngban be klo kɛ be ´sin nun, sanngɛ be su kwla sin-man.

Rɔmfuɛ Mun 6:21

?Sa nga an yoli be laa bɔ siɛn'n be yo amun nyannzuɛn'n, nguɛ like yɛ an nyɛnnin i nun-ɔn? Sa sɔ'm be agualiɛ'n yɛlɛ wie.

Galasifuɛ Mun 6:3

Sɛ sran kun bu i wun kɛ ɔ ti sran dan b'ɔ ti-man sɔ'n, wuun ɔ'a lɛkɛ i bɔbɔ wun.

Efɛzfuɛ Mun 5:6

Nán man sran fi fa ndɛ ngbɛn wie laka amun, afin sa sɔ'm be ti yɛ Nyanmiɛn i ya'n ɔ wa jao be bɔ bé nyin yi-mɛn i'n be su nin-ɔn.

Jacques 1:22

Nyanmiɛn ndɛ nga an ti'n, an `lafi su. Sɛ an tie i ngbɛn bɔ an fa-man su'n, wuun an su laka amún wun.