Nyanndra Mun 14:11 - NYANMIƐN NDƐ'N 1998

¹¹ Klunwifuɛ'm be awlo'n ɔ bo. Sanngɛ sran kpa'm be liɛ'n ɔ trɛ.

Nyanndra Mun 14:11 ပူးပေါင်းရင်းမြစ်များ

Zɔb I Nyrɛnnɛn Wunlɛ 15:34

Sran ng'ɔ kpɔ Nyanmiɛn'n, i osufuɛ'm be klun ´yo kpan. Sin'n yaci-man sa tɛ yofuɛ'n i awlo'n i dilɛ le.

Zɔb I Nyrɛnnɛn Wunlɛ 18:21

Kɛ sa tɛ yofuɛ'n i awlo'n ɔ ti kɛ ng'ɔ o lɛ'n sa. Be nga bɔ be si-man Nyanmiɛn'n, kɛ be tranwlɛ'n ɔ ti kɛ ng'ɔ o lɛ'n sa.

Zɔb I Nyrɛnnɛn Wunlɛ 21:28

Amun usa kɛ: ?Sran nga be mian be wiengu mun fii'n, be sua'n wo nin? ?Sran nga be bu-man Nyanmiɛn like fi'n, be tranwlɛ'n wo nin?

Zɔb I Nyrɛnnɛn Wunlɛ 8:15

Kɛ be waan be ´kisa bé sua'n su'n, kpɛkuun ɔ su keje. Kɛ be waan be ´tra nun'n, kpɛkuun ɔ'a bubu ɔ'a gua.

Zɔb I Nyrɛnnɛn Wunlɛ 8:22

Nyannzuɛn dan kpa ɔ ´kun be bɔ be kpɔ wɔ'n. Kɛ ɔ ´yo sɔ'n, wuun sa tɛ yofuɛ'm b'a jaso lɛ.

Zɔb I Nyrɛnnɛn Wunlɛ 8:6

sɛ a yo sɛsɛ'n, sɛ b'a wun-man sa ɔ wun'n, Ɔ su sisi-mɛn i bo, ɔ ´nian wɔ lika, ɔ ´fa wɔ sie ɔ osu laa'n nun.

Jue Mun 128:3

Ɔ yi'n ɔ ´yo wɔ awlo'n nun kɛ vinyi b'ɔ su mma'n sa. Ɔ mma mun'n, kɛ be ti aliɛ sin'n be ´di bɔ be wun be'n, be ´fa be sunnzun olivie kanngan bɔ b'a ta be'n.

Jue Mun 37:10

Ɔ ka kaan sa, be su wun-man klunwifuɛ'n kun. Sɛ a nian kan ɔ tran lɛ'n, a su wun-man sran .

Nyanndra Mun 11:28

Sran ng'ɔ fɛ i wla'n kwlakwla guɛ i anyanbeun'n su'n, san tɔlɛ yɛ ɔ ´tɔ-ɔ. Klun-ufuefuɛ'm be liɛ'n, be bua kɛ waka nnya sa.

Nyanndra Mun 12:7

Kɛ klunwifuɛ'm be ko wu'n, wuun be liɛ a wie. Sanngɛ sran kpafuɛ'm be awlo bo'n ɔ jin lɛ ca!

Nyanndra Mun 15:25

Sran ng'ɔ yo i wun dandan'n, Anannganman saci i awlo'n, sanngɛ Anannganman kunngba'n sasa angboti bla'n i like liɛ ng'ɔ lɛ i'n.

Nyanndra Mun 21:12

Sa ng'ɔ ju klunwifuɛ'm be awlo'n nun'n, Anannganman b'ɔ yo sa i nuan su'n, ɔ wun i. Kɛ ɔ wun i sɔ'n, kpɛkuun ɔ'a kan be ɔ'a guɛ i nyrɛnnɛn nun.

Nyanndra Mun 21:20

Sran ng'ɔ ti akunndanfuɛ'n, be wlu i awlo-ɔ bé wun ninnge kpakpa wafa-wafa'n kwlaa, sanngɛ sran ng'ɔ wun-man sa wlɛ'n, ɔ saci i wun ninnge'm be kwlaa.

Nyanndra Mun 3:33

Sa wiwi'n cɛ yɛ Anannganman to yi klunwifuɛ'n i awlo nun-ɔn. Klun-ufuefuɛ'm be kusu, muae klanman yɛ ɔ bo man be-ɔ.

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »