Nyanndra Mun 14:10 - NYANMIƐN NDƐ'N 1998

¹⁰ Klunngbɔ ng'ɔ o sran kun klun'n, i bɔbɔ kunngba yɛ ɔ si i-ɔ. I aklunjuɛ'n kusu kɛ ɔ fa ti ju'n, sran kun sa si-mɛn i.

Nyanndra Mun 14:10 ပူးပေါင်းရင်းမြစ်များ

Bo Bolɛ 42:21

Be seli be wiengu kɛ: «Tɛ nga e yoli e niaan'n, i su afɛ yɛ e su fɛ i yɛ. E wunnin i wla b'ɔ boli blɛ b'ɔ se e kɛ e yaci'n nan e si i aunnvuɛ'n, sanngɛ y'a si-mɛn i aunnvuɛ. Siɛn'n, awlaboɛ kunngba ng'ɔ tɔli i su'n, i wie yɛ ɔ'a tɔ e su yɛ.»

2 Famiɛn Mun 4:27

Kɛ ɔ juli Nyanmiɛn sran'n wun lɔ oka'n su lɔ'n, ɔ trɛli i ja'n. Geazi waan wuun ɔ ´ko su i bo, nan Elize ɔ'a se i kɛ: «Yaci i nun, i wla a bo i wun dan. Sanngɛ Anannganman ɔ'a yi-man sa nga ti yɛ i wla a bo i wun'n i nglo ɔ'a kle-man min. Ɔ fa fiali mín wun.»

Zɔb I Nyrɛnnɛn Wunlɛ 10:1

Nguan'n i nun tranlɛ ɔ'a flan min! I ti sa ng'ɔ yo-man min fɛ'n, n ´kan. Klunngbɔ ng'ɔ o min klun lɔ'n ti, m muan-man min nuan.

Zɔb I Nyrɛnnɛn Wunlɛ 21:25

Wie kusu i nguan liɛ'n ti klunngbɔ ngunmin. Ɔ si-man like nga be flɛ i muae'n le yɛ ɔ wu-ɔ.

Zɔb I Nyrɛnnɛn Wunlɛ 7:11

I sɔ'n ti, m muan mín nuan-an ɔ yo-man ye. Min akunndan'n ɔ'a sanngan: n ´kan min klun ndɛ. Klunngbɔ o min klun: n ´ijɔ.

Zɔb I Nyrɛnnɛn Wunlɛ 9:18

Ɔ yaci-man min nun man n de-man wunmiɛn. Sanngɛ klunngbɔ'n yɛ ɔ wla min-ɔn.

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Nyanndra Mun 15:13

Aklunjuɛ'n yɛ ɔ titi be nyrun-ɔn. Kɛ be klun jɔ-man'n, akunndan'n ti sannganwa.

Nyanndra Mun 18:14

Sɛ a tɔ tukpacɛ nan ɔ́ wla'n ti-man bowa'n, ɔ uka wɔ. Sanngɛ sɛ ɔ́ wla'n ɔ bo wɔ wun'n, ɔ lɛ-man ayre.

Ezekiɛl 3:14

Wawɛ ng'ɔ mannin min su nglo'n fali min ɔli. Kɛ n ´kɔ'n, min akunndan sanngannin, mín wla ti-man ase guawa, afin Anannganman'n i fanngan ng'ɔ o mín su'n ti dan yɛ n kwla suɛn-mɛn i bo.

Jean 12:27

«Siɛn'n, min akunndan'n ɔ'a sanngan. ?N ´se sɛ? ?N ´se kɛ: N Si, de min sa ng'ɔ wa ju yɛ'n nun? Sa sɔ'n ti yɛ m bali lele yɛ ɔ'a fa ju kɛ e ´se yɛ nin-ɔn.»

Jean 14:18

N yaci-man amun aika, m ´ba amún wun wa ekun.

Jean 14:23

Jésus tɛli i su kɛ: «Sran ng'ɔ klo min'n, ɔ ´fa min ndɛ'n su, yɛ n Si wa klo i, e ´bɛ i wun, e nin i e ´tran.

Filipfuɛ Mun 4:7

Yɛ ɔ man amún wun ´jɔ amun fɔuun, amun su wun-man sa ti bɔ amun wun jɔ amun fɔuun sɔ'n i bo mlɔnmlɔn. Aunjuɛ sɔ'n man amún wla su bo-man, yɛ amun akunndan su sanngan-man sran wunmuan bɔ amun nin Krist-Jésus ti'n ti.

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

Sa nglô yile 2:17

Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n! Sran ng'ɔ kwla'n, n ´fa mani bɔ be wun-mɛn i'n m ´mɛn i. Yɛ n ´fa yɛbuɛ ufue kun bɔ be klɛli dunman uflɛ kun su'n m ´mɛn i. Sran fi si-man dunman sɔ'n, san sran nga be fa mɛn i'n yɛ ɔ si i-ɔ .› »

1 Samiɛl 1:10

Ani klun'n ɔ'a kpɔtɔ saa! Kɛ ɔ ´srɛ Anannganman'n, wuun ɔ ´sun. Ɔ sunnin kpa.

1 Samiɛl 1:15

Ani tɛli su kɛ: «Baba nan, nán nzan-an. N wo afɛ nun. Sa ng'ɔ o mín su'n yɛ n fa sie i Anannganman nyrun-ɔn.