Nyanndra Mun 13:9 - NYANMIƐN NDƐ'N 1998

⁹ Sran kpa'm bé wun kpaja be. Be ti kɛ kannin'n b'ɔ kpaja weiin sa. Klunwifuɛ'm be liɛ'n be ti kɛ kannin b'ɔ su nuan'n sa.

Nyanndra Mun 13:9 ပူးပေါင်းရင်းမြစ်များ

1 Famiɛn Mun 11:36

Yɛ n ´fa akpasua kun m ´mɛn i wa'n, kɛ ɔ ´yo nan David b'ɔ ti min sufuɛ'n i osu'n nunfuɛ kun ɔ'a yo famiɛn Zerizalɛm lɛ blɛ kwlaa'n ti. Zerizalɛm klɔ sɔ'n yɛ n kpɛli i kɛ i nun yɛ n ´tran-an.

Zɔb I Nyrɛnnɛn Wunlɛ 21:17

?Sanngɛ kɛ be o lɛ'n, a wun kɛ be nguan'n ɔ ka lɛ wie kɛ kannin b'ɔ nuan'n sa? ?Be ta yalɛ di? ?Nyanmiɛn fa be wun ya ɔ man be nzuɛn'n i nuan akatua ?

Zɔb I Nyrɛnnɛn Wunlɛ 29:3

I kannin'n ɔ jue mín ti'n su. I kpajalɛ'n ɔ dun mmua min nyrun aosin'n nun.

Jue Mun 112:4

Sran nga be ti sɛsɛfuɛ mun'n, be liɛ'n, kɛ aosin'n ɔ wla tuun'n, kpɛkuun Nyanmiɛn ɔ'a man be kannin. Sran ng'ɔ yaci sa cɛ'n, b'ɔ si aunnvuɛ'n, b'ɔ yo sa i nuan su'n, i kunngba nin-ɔn.

Jue Mun 97:11

Be nga Nyanmiɛn bu be sran kpa'n, be liɛ'n kannin kun kpaja sin yia be. Be nga be anwlɛn'n nun ti weiin, aklunjuɛ'n ti be liɛ.

Nyanndra Mun 13:10

Tutre'n i like ng'ɔ o su'n yɛlɛ utre ba kpɛlɛ. Be nga be sie bé su, be ti afɔtuɛ'n, be sa nun yɛ akunndan'n wo-ɔ.

Nyanndra Mun 13:8

Anyanbeunfuɛ'n, sɛ be fuɛ i ti'n, ɔ fɛ i sika fa kpli i ti. Yalɛfuɛ'n i liɛ'n, kɛ ɔ o lɛ'n yɛ ɔ wo-ɔ, sran fi fuɛ-mɛn i ti.

Nyanndra Mun 20:20

Sran kun ng'ɔ bo i si nin i nin be sannzan'n, i bɔbɔ'n ɔ wa wun kɛ ɔ su wu blɛblɛblɛ kɛ kannin wie b'ɔ su nuan aosin nun'n sa.

Nyanndra Mun 24:20

Afin be liɛ'n, be lɛ-man like be nyrun lɔ. Be nguan'n ti kɛ kannin b'ɔ su nuan'n sa.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Ezekiɛl 32:7

Kɛ a ´wu cɛ'n, n ´kata nyanmiɛn ng'ɔ la nglo lɔ plaii'n su. N ´nuan nzraama mun. N ´fa nyanmiɛn ble'n n kata wia'n i nyrun. Anglo'n ɔ su kpaja-man kun .

Kalɛ 27:4

?Ɔ yo sɛ ti yɛ é si liɛ'n i dunman'n wa nunnun i osu liɛ'n nun sa-a? ?Ba yasua b'ɔ lɛ-mɛn i'n ti-ɔ? Man e tranwlɛ liɛ é si i niaan'm be wun lɛ.»

Matthieu 22:13

Bian sɔ'n ɔ'a uke-mɛn i nuan. Yɛ famiɛn'n seli i minniɛn'm be kɛ: ‹An `ci i sa nin i ja'n nan an `yi i guasu lɔ aosin nun bɔ lɔ yɛ be sun be di be je'n.»

Matthieu 25:8

Sinnglinfuɛ'm be seli ngwlɛlɛfuɛ'm be kɛ: ‹An `man ye amún kannin nzue'n wie, afin é kannin liɛ'm be su nuan.›