Nyanndra Mun 13:6 - NYANMIƐN NDƐ'N 1998

⁶ Sran nga b'ɔ nanti nanwlɛ atin'n su'n, nanwlɛ'n fɛ i fia. Klunwi'n kusu ɔ kun klunwifuɛ'n.

Nyanndra Mun 13:6 ပူးပေါင်းရင်းမြစ်များ

1 Famiɛn Mun 1:52

Salomɔn waan: «Sɛ i nzuɛn'n ɔ kle kɛ ɔ ti sran kpa'n, i timuɛn bɔ kun sa su tɔ-man asiɛ wun. Nan sanngɛ sɛ i nantilɛ'n ti-man kpa'n, san wulɛ cɛ yɛ ɔ ´wu-ɔ.»

1 Famiɛn Mun 13:34

Nantilɛ tɛ sɔ'n man Zeroboam i awlo'n nunfuɛ'm be tɔli sa tɛ'n nun. I sɔ'n ti yɛ man osu sɔ'n i dunman'n nunnunnin mlɔnmlɔnmlɔn asiɛ'n su nin-ɔn.

2 Be Nyoliɛ 28:23

Damas amuɛn mun bɔ be ti yɛ man ɔ'a nyan-man jranwlɛ'n, ɔ yili sraka mannin be, afin ɔ seli i wun kɛ: «Siri famiɛn'm be like nga be jran bé sin'n, n ´sɔ be wie nan be jran min sin wie.» Sanngɛ amuɛn sɔ'm be yɛ man Akaz nin Izraɛlfuɛ'm be tɔli mlɔnmlɔn nin-ɔn.

Jue Mun 119:1

Be nga bɔ be nanti sein'n, bɔ Anannganman i mmla'n su yɛ be nian be nanti'n, be liɛ su ti ye!

Jue Mun 140:11

Man sɛnmlɛn kpukpu gua bé su. Man be kan bé bo guɛ i sin'n nun. Man be kan bé bo guɛ i ngblɔn nga be tɔ nun-ɔn be fite-man kun'n i nun.

Jue Mun 15:2

?Nán sran ng'ɔ ti nanwlɛfuɛ nin-ɔn? ?Nán sran ng'ɔ yo sa i nuan su nin-ɔn? ?Nán sran nga kɛ ɔ ´kan ndɛ ng'ɔ o i klun lɔ'n, ɔ kpɛ-mɛn i wun nin-ɔn?

Jue Mun 25:21

Ɔ su yɛ n lafi-ɔ. Uka min, nán man n yo sa tɛ. Man n nanti kɛ ɔ fata'n sa.

Jue Mun 26:1

Jue nga ti David liɛ. I waan: Anannganman, di min jɔlɛ mun klanman man min. Afin n nantili sein, m'an fɔn-man. N fa min wla'n n gua ɔ su. Srɛ kun-man min, min wun usu-man min.

Nyanndra Mun 10:29

Anannganman sasa sran kpa'n kɛ klɔ bɔ b'a si i wun'n sa. Sanngɛ sran nga sa tɛ'n yɛ be waan be fa man be man be yo'n, ɔ nunnun be.

Nyanndra Mun 11:20

Be nga be klun akunndan'n ti-man kpa'n, Anannganman klun jɔ-man bé wun. Be nga be nzuɛn'n ti kpa'n, i sɔfuɛ mun yɛ i klun jɔ bé wun-ɔn.

Nyanndra Mun 11:3

Sran nga be di nanwlɛ'n, nanwlɛ'n su yɛ be su-ɔ. Gblɛfuɛ'm be kusu be gblɛ'n yɛ ɔ kun be-ɔ.

Nyanndra Mun 21:12

Sa ng'ɔ ju klunwifuɛ'm be awlo'n nun'n, Anannganman b'ɔ yo sa i nuan su'n, ɔ wun i. Kɛ ɔ wun i sɔ'n, kpɛkuun ɔ'a kan be ɔ'a guɛ i nyrɛnnɛn nun.

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.