Nyanndra Mun 13:22 - NYANMIƐN NDƐ'N 1998

²² Klun-ufuefuɛ'n i osu aja'n ɔ ti i anunman'm be liɛ. Klunwifuɛ'm be ninnge'm be kaci sran kpa'n i liɛ.

Nyanndra Mun 13:22 ပူးပေါင်းရင်းမြစ်များ

Ɛsdras 9:12

I ti nán amun fa amun mma bla'm be man be mma yasua mun, yɛ nán amun ja be mma bla mun man amun mma yasua mun. Nán amun bu be anyanbeun nin be alaje bɔ be di'n i like. I liɛ'n, amun ´nyan fanngan, amun ´di mɛn nga nun ninnge kpakpa mun. Yɛ mɛn sɔ'n ´yo amun osu nunfuɛ'm be liɛ tititi.›

Jue Mun 102:28

Sanngɛ ɔ liɛ'n, a ´ka ɔ osu'n nun, wɔ afuɛ'n su wie-man le .

Jue Mun 112:2

I osu'n nunfuɛ nga be wa jaso su'n be wa yo sran waka-waka mun, afin sran nga be ti sɛsɛfuɛ'n, Anannganman man be ´nyan ye.

Jue Mun 128:6

Wɔ anunman'm be to wɔ. Man Izraɛlfuɛ'm bé wun jɔ be fouun!

Jue Mun 37:25

Kɛ ɔ fɛ i min bakan nun lele bɔ m'an fa yo oke yɛ'n, n nian wun-man kɛ Nyanmiɛn ɔ'a yi i sran kpa'n i ase le. N nian wun-man kɛ i mma mun annzɛ i anunman'm be su srɛsrɛ aliɛ be sin le.

Nyanndra Mun 17:6

Anunman'm be ti kɛ oke'm be famiɛn kle sa. Siɛ'm be kusu be ti kɛ ba'm be anyrunnyan like sa .

Nyanndra Mun 28:8

Sɛ sran kun ɔ nyɛn i wun sran'm be asubo manlɛ nun, i bo ninnge ɔ ´yo be nga be si yalɛfuɛ'm be aunnvuɛ'n be liɛ .

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.