Nyanndra Mun 13:18 - NYANMIƐN NDƐ'N 1998

¹⁸ Sran nga i waan nán be tu i fɔ'n, ɔ yaci-man yalɛ dilɛ, nyannzuɛn kusu yaci-mɛn i kunlɛ le. Sran nga kusu bɔ be tu i fɔ-ɔ ɔ fa sie'n, be yaci-mɛn i mo yolɛ le.

Nyanndra Mun 13:18 ပူးပေါင်းရင်းမြစ်များ

Jue Mun 141:5

Sɛ sran nga a bu i sran kpa'n ɔ bo min'n, fɛ yɛ ɔ yo min-ɔn. Sɛ ɔ tu min fɔ'n, n kplin su. Nɛnnɛn yɛ ɔ su di min-ɔn. Klunwifuɛ mun'n, kannzɛ be yo sa tɛtɛ mun sɛ'n, n su yaci-man ɔ srɛlɛ bɔ n srɛ man be'n .

Nyanndra Mun 12:1

Sran ng'ɔ kplin su kɛ be tu i fɔ'n, i sɔ sran liɛ'n klo kɛ ɔ ´si akunndan. Sran ng'ɔ klo-man kɛ be tu i fɔ'n, ɔ ti sinnglinfuɛ.

Nyanndra Mun 13:13

Sran nga be kan ndɛ kle i-ɔ ɔ kpa su'n, ɔ bo kalɛ. Sran nga kusu bɔ be kpɛn i su-ɔ ɔ kpiti'n, ɔ nyan su muae.

Nyanndra Mun 13:19

Like nga sran kun sunnzun kɛ ɔ ´yo, nan ɔ kpɛn su'n, i klun jɔ. Be nga be wun-man sa wlɛ'n, kɛ be se be kɛ be yaci sa tɛ'n i yolɛ'n, ɔ yo be ya sa fiaan.

Nyanndra Mun 13:25

Sran kpa'n ɔ di like i ku yi. Klunwifuɛ'n kusu awe'n yɛ ɔ kun i klun lɔ-ɔ.

Nyanndra Mun 15:5

Ba ng'ɔ si-man ngwlɛlɛ'n, i si tu i fɔ-ɔ ɔ bu-mɛn i ndɛ. Sran nga be ´tu i fɔ b'ɔ ´kplin su lɛ'n, wuun ɔ ti ngwlɛlɛfuɛ.

Nyanndra Mun 19:6

Sran dan'n i lakafuɛ sɔnnin. Sran ng'ɔ cɛcɛ sran'n be ninnge'n, be di-mɛn i janvuɛ'm be yalɛ.

Nyanndra Mun 25:12

Sɛ akunndanfuɛ tu wɔ fɔ nan a ti'n, i kpa liɛ'n ti kɛ sika ɔkwlɛ nga annzɛ njuaba sa.

Nyanndra Mun 9:9

Man ngwlɛlɛfuɛ'n i akunndan, mɛn i akunndan man ɔ si wie ekun tra su. Kle sran kpa'n i ngwlɛlɛ. Kle i ngwlɛlɛ man ɔ si sa uka laa liɛ'n su.

Akunndanfuɛ'n 7:5

Kɛ n ko sie mín su sinnglinfuɛ i manmanlɛ jue'n i bo'n, ɔ flunman kɛ n tie afɔtuɛ ndɛ nga ngwlɛlɛfuɛ'n kan kle min'n.

Zeremi 3:25

E la nyannzuɛn nun siɛn'n. Nyannzuɛn'n yɛ e fa kata e su kɛ kondro sa-a. Afin kɛ ɔ fin e kaan nun b'ɔ ´fa ju ndɛ'n, e nin é si mun e fɔnnin Anannganman e Nyanmiɛn'n i wun. Y'a tie-man Anannganman e Nyanmiɛn'n i aniɛn'n.»

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.