Nyanndra Mun 13:17 - NYANMIƐN NDƐ'N 1998

¹⁷ Sran nga i klun yo wi'n, sɛ be sunmɛn i-ɔ, ɔ tɔ sa tɛ'n nun. Sran nga kusu b'ɔ ti sran kpa'n, sɛ be sunmɛn i-ɔ, ɔ siesie ndɛ ye.

Nyanndra Mun 13:17 ပူးပေါင်းရင်းမြစ်များ

Nyanndra Mun 10:26

Kɛ wawle lomin ɔ nyan be je'n annzɛ sin wɛnsrɛn ɔ wlu be nyinman su'n, kɛ a sunman fuɛnfuɛ'n kɛ ɔ wla wɔ klunngbɔ sɔ-ɔ.

Nyanndra Mun 13:18

Sran nga i waan nán be tu i fɔ'n, ɔ yaci-man yalɛ dilɛ, nyannzuɛn kusu yaci-mɛn i kunlɛ le. Sran nga kusu bɔ be tu i fɔ-ɔ ɔ fa sie'n, be yaci-mɛn i mo yolɛ le.

Nyanndra Mun 25:13

Sɛ a sunman sran nan ɔ nian like nga a sunmɛnnin i kɛ ɔ yo su yo i kpa'n, ɔ klun jɔ kɛ wawa blɛ nun nan w'a nyan nzue flɔlɔ kpa w'a nɔn sa.

Nyanndra Mun 25:23

Aunngban fɛfɛ'n, yɛ ɔ fa nzue'n ba-a. I kunngba'n, ijɔlɛ ngboko'n kusu ɔ kun sran wie ya.

Nyanndra Mun 26:6

Sran ng'ɔ sunman sinnglinfuɛ'n, wuun ɔ'a di sinnzin. Ɔ ti kɛ ɔ'a kpɛkpɛ i bɔbɔ i ja'n ɔ'a gua sa. I sin afɛ ng'ɔ wa fɛ'n, ɔ wa yo kekle.

Zeremi 23:28

Sɛ Nyanmiɛn nuan ijɔfuɛ kun cɛn laliɛ'n, m'an se-man kɛ nán ɔ kan. Man ɔ kan. Nga kusu bɔ n kannin ndɛ n kleli i'n, man ɔ nian su kɛn i cɛ. Anannganman'n usa kɛ: «?Awie ja'n nin awie ba'n be ti-man ngunmin-ngunmin?

Ezekiɛl 3:18

Sɛ n se sa tɛ yofuɛ kun kɛ ɔ su wa wu'n, sɛ w'a kan kle-mɛn i'n, sɛ w'a se-mɛn i kɛ ɔ kaci i nzuɛn tɛ'n nan ɔ'a fite nun'n, sa tɛ yofuɛ sɔ'n ɔ ´wu i sa tɛ'n nun. Sɛ ɔ wu i sa tɛ'n nun kusu'n, e nin wɔ e lɛ i.

Kalɛ 31:8

Be kunnin Madian lɔ famiɛn nnun'n mun. Be dunman mun yɛ: Evi, Rekɛm, Zir, Ir, yɛ Reba. Be kunnin Bɛɔr i wa Balaam wie .

1 Korɛntfuɛ Mun 4:2

Kusu sa ng'ɔ ti cinnjin'n, yɛlɛ kɛ sran ng'ɔ nian ninnge su'n, ɔ `yo sran kpa.

2 Korɛntfuɛ Mun 2:17

E ti-man kɛ sran wie bɔ be yo Nyanmiɛn ndɛ'n kɛ be nga be yo ninnge sukusuku'm be atɛ'n be liɛ'n sa. Sanngɛ kɛ Nyanmiɛn sunmannin ye'n, bɔ i nyin ta ye'n, bɔ e nin Krist e ti sran wunmuan'n, ɔ man e kɛn i ndɛ'n nanwlɛ nun.

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.

1 Timote 1:12

N ´la e Min Krist-Jésus b'ɔ wlali n fanngan'n i ase, afin m bɔ laa n saci i dunman'n bɔ n kle i yalɛ'n, bɔ n kpɛ i nzowa'n, ɔ buli n sran, yɛ ɔ fa min wlɛli i i junman'n nun. Nyanmiɛn sili min aunnvuɛ, afin sa wlɛ bɔ n wun-mɛn i'n nin i su bɔ n lafi-man'n ti yɛ n yoli sɔ-ɔ.

2 Timote 2:2

Ndɛ nga a tili i kɛ n kɛnnin i sran kpanngban be nyrun'n, kan ndɛ sɔ'n, fa yaci i be nga a lafi bé su bɔ be kusu be kwla kan kle sran uflɛ'n, bé sa nun.