Nyanndra Mun 13:13 - NYANMIƐN NDƐ'N 1998

¹³ Sran nga be kan ndɛ kle i-ɔ ɔ kpa su'n, ɔ bo kalɛ. Sran nga kusu bɔ be kpɛn i su-ɔ ɔ kpiti'n, ɔ nyan su muae.

Nyanndra Mun 13:13 ပူးပေါင်းရင်းမြစ်များ

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Ɛsdras 10:3

Man e ta Nyanmiɛn i nda kɛ e ´fuan nvle nun bla sɔ mun ɔ nin ba nga e nin be e wuli be'n. Min min, afɔtuɛ nga a nin be nga bé wun blibli be'n Nyanmiɛn i mmla i su falɛ nun amun kan'n, e fa su. Man e yo kɛ i mmla'n kle i sa.

Jue Mun 115:13

Be nga be nyin yi Anannganman'n, ɔ ´yo bé wun sa ye, sɛ be lɛ nyrun o, sɛ be lɛ-man nyrun o, ɔ ´yo bé wun sa ye.

Jue Mun 119:165

Sran nga be klo ɔ mmla'n, aunjuɛ nga be lɛ i'n ɔ ti dan. ?Nguɛ sa ti yɛ man be ´usu-ɔ ?

Jue Mun 19:11

Jɔlɛ ng'ɔ di be sɔ'n be kpa tra sika ɔkwlɛ. Sika ɔkwlɛ nga bɔ b'a tɔn'n, sɛ ɔ sɔnnin kpa bɔbɔ'n, ɔ nin be sɛ-man. Be yo fɛ tra awɛma nzue. Be fɛ'n tra awɛma nzue nga b'a yi i uflɛ-uflɛ'n bɔbɔ.

Jue Mun 19:12

Anannganman, min bɔ n ti ɔ sufuɛ'n, n nyan bé su ngwlɛlɛ. Sran ng'ɔ fa be su'n, ɔ nyan bé su mmlusuɛ.

Ezipt Lɔ Tulɛ'n 9:20

Famiɛn'n i mantanfuɛ'm be nun wie'm be buli be jɔ bɔ Nyanmiɛn boli be'n i nanwlɛ, nan b'a se be sufuɛ'm be kɛ be nin nnɛn mun be fia sua'm be nun.

Nyanndra Mun 1:25

Afin fɔ nga n tu amun'n, bɔ amun fa-man nin-ɔn, sɛ n tu amun fɔ bɔ an bu-mɛn i like nin-ɔn,

Nyanndra Mun 13:12

Like nga a lafi su kɛ a ´nyɛn i bɔ a nyɛn-mɛn i'n, ɔ kpɛ anwlɛn. Nga kusu bɔ a sunnzun kɛ a ´yo nan ɔ kpɛn su'n, ɔ wla wɔ fanngan.

Nyanndra Mun 13:21

Be nga be yo sa tɛ'n, sa yaci-man bé su tɔlɛ le. Muae'n kusu yɛ ɔ ti sran kpa'm be liɛ-ɔ.

Nyanndra Mun 16:20

Sran ng'ɔ bu akunndan'n ɔ wun i wun fɛ. Sran ng'ɔ fɛ i wun wla Anannganman sa nun'n, i wun jɔ i fɔuun.

Nyanndra Mun 19:16

Sran ng'ɔ nanti mmla'n su'n, ɔ sɛsɛ i nguan'n. Sran nga kusu b'ɔ si-man nanti'n, wie'n yɛ ɔ ´kun i-ɔ.

Ezai 66:2

Ninnge nga amun wun be yɛ'n, m bɔbɔ ń sa yɛ n fa yoli be kwlaa-a. N se amun kɛ yo, i kwlaa sɔ'n ti ń sa nuan like. Sanngɛ amun `nian, sran nga i ndɛ lo min'n, yɛlɛ sran nga i wla ti bowa b'ɔ kɛn i wun ase b'ɔ fa min nuan ndɛ'n su'n .

Zeremi 43:2

Ose i wa Azaria, nin Kareak i wa Zosanan, ɔ nin tutrefuɛ nga be o lɛ'm be seli Zeremi kɛ: «Ato yɛ a ´buɛ i lɛ. Nán Anannganman e Nyanmiɛn'n yɛ ɔ sunmannin wɔ kɛ a wa se ye kɛ nán e wɔ Ezipt lɔ-ɔ.

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Ezekiɛl 20:16

Sa nga ti bɔ n seli sɔ'n, yɛlɛ kɛ be yo mín nuan su ndɛ'm be finfin. Be fa-man min mmla'm be su, yɛ be nian-man min wunmiɛn-delɛ-cɛn'm be su. Amuɛn sɔlɛ fuɛ'n yɛ be fa cicili be ti-ɔ.

Ezekiɛl 20:24

Sa ti bɔ n yo be sɔ'n yɛlɛ kɛ be fa-man min mmla'm be su, be bu-man mín nuan su ndɛ'n i ndɛ, be nian-man min wunmiɛn-delɛ-cɛn'n su, amuɛn nga be si'm be sɔ be'n yɛ be fa cici be ti-ɔ.

Malasi 3:16

Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

Kalɛ 15:31

Kɛ b'ɔ yoli min ndɛ'n i finfin b'ɔ fɔnnin min mmla'n, i sɔ ti yɛ be `kɛn i bo-ɔ. I bɔbɔ yɛ ɔ ´fɛ i sa tɛ'n i su afɛ nin-ɔn.»

Matthieu 5:12

yɛlɛ kɛ amun mo'n ɔ wa yo dan nyanmiɛn su lɔ. I sɔ'n ti, man amun klun jɔ, man amún wun blibli amun. Afin laa kɛ be kleli Nyanmiɛn nuan ijɔfuɛ'm be yalɛ sɔ-ɔ, i sin nan b'a wu amun .»

JÉSUS-CHRIST I DYASIN FE'N BO LUC KLELI'N 16:31

Yɛ Abraam seli i kɛ: ‹Sɛ b'a fa-man Moiz nin Nyanmiɛn nuan ijɔfuɛ'm be ndɛ nga be klɛli'n su'n, kannzɛ man sran fin blɔlɔ wa bɔbɔ, be su kplin-mɛn i ndɛ'n su mlɔnmlɔn.› »

2 Jean 1:8

I sɔ'n ti, an `nian amún wun kpa nan amun junman'n i nuan like'n ɔ'a to-man fuan-man amun sanngɛ amu'an nyan nun like kpa'n ti.