Nyanndra Mun 12:5 - NYANMIƐN NDƐ'N 1998

⁵ Sran kpafuɛ mun, sa ng'ɔ ti i su'n yɛ be kunndɛ be yo-ɔ. Sran tɛfuɛ'm be kusu be liɛ'n gblɛgblɛ ninnge mun yɛ be kunndɛ be yo-ɔ.

Nyanndra Mun 12:5 ပူးပေါင်းရင်းမြစ်များ

Jue Mun 119:15

M bu sa nga a fa be sie sran'm be nyrun'n be akunndan kpa. N nian atin nga a kle'n be su kpa.

Jue Mun 139:23

Ee Nyanmiɛn, nian min anwlɛn nun! Sa min mian! Nian min klun lɔ akunndan'n!

Nyanndra Mun 11:23

Like nga sran kpa'm be kunndɛ kɛ be ´yo'n ɔ ti kunngba, yɛlɛ kpa yolɛ. Like nga kusu bɔ klunwifuɛ'm be gugu kɛ be ´yo'n, ɔ kun Nyanmiɛn i ya.

Nyanndra Mun 12:4

Bla ng'ɔ ti bla kpa'n ɔ mɛn i wun i kɔmin su. Bla nga kusu b'ɔ gua i wun nyin ase'n, ɔ ti kɛ ngbaciɛ yɛ ɔ su kpaci i owie'n nun sa .

Nyanndra Mun 12:6

Klunwifuɛ'm bé nuan nun ndɛ'n ti kɛ aya sa. Sran ng'ɔ tɔ nun-ɔn, san wulɛ cɛ yɛ ɔ wu-ɔ. Sran kpafuɛ'm be kusu bé nuan waka'n yɛ be fa de sran mun-ɔn.

Nyanndra Mun 14:8

Sran ng'ɔ ti akunndanfuɛ'n, ɔ niɛn i wun su kpa. Sinnglinfuɛ'n i sinnzin'n ti ɔ mlin.

Nyanndra Mun 24:9

Sinnglinfuɛ'n i klun akunndan'n ti tɛtɛ ngunmin. Sran ng'ɔ srisri i wiengu'n, ɔ mɛn i bɔbɔ wun kpɔɛ.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Zeremi 9:3

«An `nian amún wun amun janvuɛ'm be lika. Nán an fa amún wla gua amun niaan'm be wie fi su. Aniaan'm be kwlaa be ti lakadi kɛ Zakɔb sa. Janvuɛ'm be kwlaa be ti sran suɛn tɔnfuɛ .

Zeremi 9:5

Sa tɛ'n mantan sa tɛ'n su. Ato'n mantan ato'n su. Min silɛ'n ti-man be ndɛ.»

Matthieu 2:16

Kɛ Erɔd wunnin kɛ sa sifuɛ'm b'a lɛkɛ i'n, ɔ fali ya dan kpa. Ɔ man ɔ sunmannin sran kɛ be wɔ Bɛtleɛm nin i akpasua'n kwlaa su. I waan be nian blɛ nga sa sifuɛ'm be kleli i'n su be kun ba yasua nga b'a di afuɛ nnyɔn'n nin nga be nian di-man afuɛ nnyɔn'n be kwlaa.

Matthieu 26:4

kɛ be ´kunndɛ ngwlɛlɛ wafa nga be ´fa tra Jésus be kun i'n.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 4:2

E wla like nga be yo nyannzuɛn ti be fiafia su'm be ase, e yo-man like gblɛgblɛ nun, yɛ e sanngan-man Nyanmiɛn ndɛ'n, sanngɛ kɛ e kan ndɛ weinwein Nyanmiɛn nyrun'n, ɔ man sran'm be kwlaa be wun e wafa nga e ti'n.