Nyanndra Mun 12:25 - NYANMIƐN NDƐ'N 1998

²⁵ Ngokoɛ'n ɔ yi sran ase. Ndɛ fɛ'n ɔ wla sran fanngan.

Nyanndra Mun 12:25 ပူးပေါင်းရင်းမြစ်များ

Jue Mun 38:6

Min sinnzin bɔ n yoli'n ti, mín wun kannin'm b'a kplɔ, be bɔn tɛ kpa.

Jue Mun 42:11

Kɛ min kpɔfuɛ'm be ´yo min fiaan bɔ be ´usa min kɛ: «?Ɔ Nyanmiɛn'n wo nin'n?» Ɔ yo min ya lelee, kpɛkuun min owie nun yra min fiaan.

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 12:26

Atin ng'ɔ ti kpa'n yɛ klun-ufuefuɛ'n ɔ fa kle sran-an. Klunwifuɛ'm be kusu be atin liɛ nga be fa su'n ɔ mlin be bɔbɔ.

Nyanndra Mun 14:10

Klunngbɔ ng'ɔ o sran kun klun'n, i bɔbɔ kunngba yɛ ɔ si i-ɔ. I aklunjuɛ'n kusu kɛ ɔ fa ti ju'n, sran kun sa si-mɛn i.

Nyanndra Mun 15:13

Aklunjuɛ'n yɛ ɔ titi be nyrun-ɔn. Kɛ be klun jɔ-man'n, akunndan'n ti sannganwa.

Nyanndra Mun 15:15

Nyrɛnnɛnfuɛ'n ɔ wo awlaboɛ'n nun titi. Aklunjuɛfuɛ'n kusu ɔ ti kɛ ɔ o cɛn dilɛ nun titi sa.

Nyanndra Mun 15:23

Sɛ be usa wɔ ndɛ nan a si su tɛ klanman'n, ɔ man wɔ aklunjuɛ. Ndɛ ng'ɔ ju i kanwlɛ cɛ kpɛkuun b'a kan'n, i fɛ b'ɔ yo'n, be kan-man.

Nyanndra Mun 15:30

Sɛ be nian ɔ nyrun klanman'n ɔ klun jɔ. Ndɛ fɛ'n kusu sanndi bé wun.

Nyanndra Mun 16:24

Klolɛ ndɛ'n ti kɛ awɛma nzue sa, ɔ ti nɛnkɛn-nɛnkɛn, yɛ ɔ yo be wunnɛn'n i juejue.

Nyanndra Mun 17:22

Aklunjuɛ'n ti kɛ ayre sa. Sɛ be klun ti-man jɔwa'n, bé wun kpaja-man be.

Nyanndra Mun 18:14

Sɛ a tɔ tukpacɛ nan ɔ́ wla'n ti-man bowa'n, ɔ uka wɔ. Sanngɛ sɛ ɔ́ wla'n ɔ bo wɔ wun'n, ɔ lɛ-man ayre.

Nyanndra Mun 25:11

Ndɛ nga be kan b'ɔ kpɛn su sɛsɛ'n, ɔ yo nyɛnmɛn kɛ b'a fa sika ɔkwlɛ nin jɛtɛ ufue b'a di ajuin wie sa.

Nyanndra Mun 27:9

Nyanngo nin parfɛn'n, be jɔ sran anwlɛn. Afɔtuɛ kpa bɔ sran kun mɛn i janvuɛ'n, i klolɛ ti'n, ɔ jɔ anwlɛn tra su.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Zakari 1:13

Kpɛkuun Anannganman'n tɛli anz sɔ'n su klanman, ɔ man i wla guali ase.