Nyanndra Mun 12:24 - NYANMIƐN NDƐ'N 1998

²⁴ Sran ng'ɔ klo junman yolɛ'n yɛ ɔ di kpɛn-ɔn. Ainkuɛn'n kusu i agualiɛ yɛlɛ akua yolɛ.

Nyanndra Mun 12:24 ပူးပေါင်းရင်းမြစ်များ

Bo Bolɛ 49:15

Ɔ wunnin kɛ lika ng'ɔ o nun'n ti kpa, nan i nun tranlɛ yo fɛ. Yɛ ɔ fɛli i sin mannin kɛ be sie su trɔ. Yɛ ɔ kplinnin su kɛ ɔ ´di junman kɛ akua wie sa.

1 Famiɛn Mun 11:28

Zeroboam sɔ'n ti yasua sran, yɛ ɔ ti juejue. Kɛ Salomɔn wunnin kɛ ɔ ti junman yofuɛ'n, ɔ man ɔ sieli i kpɛn Zozɛf i akpasua'n su junman difuɛ'm be su.

1 Famiɛn Mun 12:20

Kɛ Izraɛlfuɛ'm be kwlaa be tili i kɛ Zeroboam ɔ'a sɛ i sin ɔ'a ba'n, be ko yiɛli i kɛ ɔ wa tran be anyia'n i bo. Yɛ be fɛ i sieli Izraɛl mɛn wunmuan'n i su-ɔ. San Zida akpasua'n kunngba cɛ yɛ ɔ nin David i osu'n kali-ɔ.

Nyanndra Mun 10:4

Sran nga i ja kan-man i sa kan-man'n, ɔ di yalɛ. Sanngɛ be nga bé sa waka'n ti kekle'n, be nyan bé wun.

Nyanndra Mun 12:27

Nvɛɛfuɛ'n, ɔ nyan nnɛn-ɔn, ɔ kwlɛ-mɛn i nyintɔn. Sɛ be wu wɔ nan a ti like yofuɛ'n i kpa liɛ'n be nyɛn-mɛn i.

Nyanndra Mun 13:4

Like nga fuɛnfuɛ'n i anwlɛn o su'n, ɔ nyɛn-mɛn i le. Sran ng'ɔ ti juejue'n i liɛ'n, ɔ yo i like liɛ'n lele ɔ nyan su like.

Nyanndra Mun 17:2

Akua ng'ɔ ti ngwlɛlɛfuɛ'n i nyrun ba nyan tra awlo ba nga b'ɔ si-man ngwlɛlɛ'n. Ɔ man sɛ be ´cɛ awlo aja ninnge'n, bé wla fi-mɛn i su.

Nyanndra Mun 19:15

Fuɛnfuɛ'n i junman b'ɔ di'n yɛlɛ lafilɛ. Sran nga kusu b'ɔ kwlɛ-mɛn i wun keje'n, awe'n yɛ ɔ ´kun i-ɔ.

Nyanndra Mun 22:13

Kɛ fitelɛ yo-man fuɛnfuɛ'n i fɛ'n ti, kpɛkuun ɔ ko se kɛ yoo: «Asɔmɔli kun wo gua su lɔ. Sɛ n fite-ɔ, ɔ ko kun min gua'n i afiɛn.»

Nyanndra Mun 22:29

Nian sran kun nga bɔ i sa si ngwlɛlɛ'n, cɛn wie lele a ´nian-an, ɔ su di famiɛn'n i junman. Ɔ su ka-man bui bo sa mlɔnmlɔn.

Jɔlɛ Difuɛ Mun 1:28

Kɛ Izraɛlfuɛ'm be wa nyannin fanngan'n, be miannin Kanaanfuɛ mun kɛ be di junman man be. B'a fuan-man be.