Nyanndra Mun 12:23 - NYANMIƐN NDƐ'N 1998

²³ Akunndanfuɛ'n ɔ ti ndɛ-ɔ, ɔ tɛ-mɛn i kan. Sran ng'ɔ si-man sa'n, i liɛ ndɛ'n i tilɛ yɛ, i jɔ bolɛ yɛ.

Nyanndra Mun 12:23 ပူးပေါင်းရင်းမြစ်များ

Neemi 2:12

I sin n jasoli kɔnguɛ e nin sran wie mun. Kɛ ɔ ´yo sɔ'n, wuun n nian kan-man sa nga Nyanmiɛn waan n yo m man klɔ'n nian kle-man sran fi. Nnɛn kunngba ng'ɔ o mín sa nun'n yɛlɛ nga n fuli su'n.

Neemi 2:16

Jɔlɛ difuɛ'm b'a si-man kan n ɔli'n, yɛ b'a si-man sa nga n yoli'n, afin kɛ ɔ ´yo sɔ'n, wuun n nian kan-man ndɛ fi n nian kle-man Zuif mun, ɔ nin Nyanmiɛn nyrun jranfuɛ mun, ɔ nin kpɛnngbɛn mun, ɔ nin mmla su nianfuɛ mun, ɔ nin sran uflɛ nga be o ju-man'n su'n.

Nyanndra Mun 10:14

Ngwlɛlɛfuɛ'm be si fa sie, sran ng'ɔ wun-man sa wlɛ'n, i nuan nun ndɛ liɛ'n ɔ fɛ i kɔ mlinlɛ'n nun.

Nyanndra Mun 10:19

Sran ng'ɔ ijɔ ngboko'n, ɔ yaci-man sa tɛ yolɛ le. Sran nga kusu b'ɔ ijɔ-man plapla'n, ɔ ti ngwlɛlɛfuɛ.

Nyanndra Mun 11:13

Sran ng'ɔ tɔn i wiengu suɛn sin'n, i sɔ sran liɛ'n yiyi ndɛ bo. Sran ng'ɔ ti ndɛ-ɔ ɔ fa sie i klun'n, be lafi i su-ɔ ɔ yo ye.

Nyanndra Mun 13:16

Ngwlɛlɛfuɛ'n ɔ ´yo sa-a, ɔ bu i sin yɛ ɔ yo-ɔ. Sran ng'ɔ wun-man sa wlɛ kusu'n, ɔ yaci-mɛn i sinnzin'n i nglo yilɛ le.

Nyanndra Mun 14:33

Akunndanfuɛ'n ɔ si ngwlɛlɛ. ?Be kwla wun i sinnglinfuɛ'm be afiɛn?

Nyanndra Mun 15:2

Ndɛ ng'ɔ fin ngwlɛlɛfuɛ'm bé nuan fite'n, sran ti-ɔ ɔ yo i fɛ. Be nga be si-man ngwlɛlɛ'n, be liɛ, ng'ɔ fin bé nuan fite'n, ɔ ti sinnzin ndɛ ngunmin.

Nyanndra Mun 18:2

Ngwlɛlɛ ndɛ nga be kan kle sinnglinfuɛ'n, ɔ ti-mɛn i cinnjin. Ng'ɔ lo i'n, yɛlɛ i bɔbɔ i ti nun akunndan liɛ'n i kan sinlɛ.

Nyanndra Mun 29:11

Sɛ sinnglinfuɛ fa ya-a, ɔ yi i nglo. Sanngɛ ngwlɛlɛfuɛ'n i liɛ'n, be wun-mɛn i.

Akunndanfuɛ'n 10:3

Sinnglinfuɛ'n i nantilɛ ng'ɔ fa nanti atin'n su'n yɛ be fa wun kɛ ɔ si-man ngwlɛlɛ-ɔ. Kɛ ɔ ´nanti'n, sran'm be kwlaa be wun kɛ sinnglinfuɛ yɛ ɔ ´kɔ lɛ-ɔ.

1 Samiɛl 10:16

Sail tɛli i su kɛ: «Ɔ kan kleli e weiin kpa kɛ be wunnin aflunmun bla mun.» Sail ɔ'a kan-man famiɛn dilɛ ndɛ nga Samiɛl kan kleli i'n.