Nyanndra Mun 12:21 - NYANMIƐN NDƐ'N 1998

²¹ Sa tɛ fi sa nyan-man klun-ufuefuɛ'n. Sanngɛ sa tɛtɛ'n kwlaa ti sin yia klunwifuɛ mun .

Nyanndra Mun 12:21 ပူးပေါင်းရင်းမြစ်များ

Jue Mun 121:7

Anannganman ´nian wɔ su man sa fi su nyan-man wɔ, ɔ ´sasa wɔ.

Jue Mun 91:10

Sa tɛ fi su ju-man ɔ su, nyrɛnnɛn fi su wunnge-man wɔ awlo'n wun.

Nyanndra Mun 1:31

Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 1:33

Sanngɛ sran nga n kan ndɛ n kle i-ɔ ɔ ti'n, i sɔfuɛ'n ɔ ´nyɛn i ti bɔ cɛ. Ɔ ´tran fɔundi tranlɛ, sa tɛ kaan sa su nyɛn-mɛn i.»

Nyanndra Mun 11:21

Kannzɛ ɔ yo sɛ klunwifuɛ'm be fɔ tulɛ'n ɔ su to fuan-man be. Klun-ufuefuɛ'm be osu'n nun mma'm be liɛ'n, be nyan bé ti. Klunwifuɛ mun ɔ lɛ-man kɛ be su nyan-man be klunwi'n i nuan like.

Nyanndra Mun 12:20

Be nga be bu akunndan tɛ'n, gblɛ'n wo be anwlɛn'n nun. Be nga kusu bɔ anuansɛ ndɛ yɛ be kan kle sran mun'n, aklunjuɛ'n ti be liɛ.

Nyanndra Mun 14:14

Sran nga i nzuɛn ti-man kpa'n, ɔ fɛ i sa tɛtɛ'm bé su afɛ'n. Sran kpa'n i klun jɔ, sa kpa b'ɔ yo be'n be ti.

Nyanndra Mun 19:23

Sran nga i nyin yi Anannganman'n, wuun ɔ'a fa nguan atin'n, like fi miɛn-mɛn i sa. Sa yalɛ nyɛn-mɛn i kɔnguɛ .

Akunndanfuɛ'n 7:18

Ɔ ti kpa kɛ a `fa afɔtuɛ nnyɔn ng'ɔ o lɛ'm be su. Afin sran nga i nyin yi Nyanmiɛn'n, ɔ fata-man kɛ be kɛn i wun ndɛ.

Akunndanfuɛ'n 8:5

Sran nga bɔ i nyin yi i'n ɔ su fɛ-mɛn i wun wlɛ-mɛn i ndɛ tɛ nun. Akunndanfuɛ'n si i anwlɛn'n nun lɔ kɛ blɛ wa ju bɔ Nyanmiɛn wa di jɔlɛ-ɔ.

Abakik 2:16

?Anyrunnyan like yɛlɛ sɔ'n? ?Nán nyannzuɛn like-ɔ? Amun bɔbɔ amun `nɔn wie nan an yi amun wun kplɛn. Anannganman i ya klowa'n, ɔ wa fa tannin amún ti. Sɛ n ´kwla se'n, amun ´nɔn i ya sɔ'n weiin. Amun anyrunnyan bɔ amun waan amun ´nyɛn i'n, nyannzuɛn yɛ amun wa wun i-ɔ .

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

1 Piɛr 3:13

?Sɛ an tu amun klun yo sa ng'ɔ ti kpa'n, wan yɛ ɔ kwla yo amun tɛ-ɔ?

Sa nglô yile 18:6

Sa ng'ɔ fa yoli amun'n, an `nian su yo i wie, an `yo i wunsu sɔ kpɛ nnyɔn! Klowa ng'ɔ su nzan nun mannin amun'n, an `su nzan nga i kekle'n trɛ i liɛ'n kpa'n wie nun mɛn i .