Nyanndra Mun 12:17 - NYANMIƐN NDƐ'N 1998

¹⁷ Sran ng'ɔ di nanwlɛ'n, ɔ yo man jɔlɛ difuɛ'm be fɛ-man, atofuɛ'n kusu gblɛ'n yɛ ɔ ti i liɛ-ɔ.

Nyanndra Mun 12:17 ပူးပေါင်းရင်းမြစ်များ

Nyanndra Mun 12:16

Sran ng'ɔ wun-man sa wlɛ'n, ɔ fa ya ndɛndɛ, sanngɛ sran ng'ɔ ti ngwlɛlɛfuɛ be yo i sa-a ɔ sɔn i nun.

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 14:25

Sran nga be fɛ i lalofuɛ b'ɔ di nanwlɛ'n, ɔ de sran mun.

Nyanndra Mun 14:5

Lalofuɛ nanwlɛfuɛ'n ɔ bua-man ato, sanngɛ lalofuɛ gblɛfuɛ'n, ato ble kpa'n yɛ ɔ bua-a.

Nyanndra Mun 19:28

Lalofuɛ ng'ɔ di-man nanwlɛ'n ɔ sanngan ndɛ. Klunwifuɛ'm be liɛ'n sa tɛ'n i yolɛ'n yɛ ɔ yo be fɛ-ɔ.

Nyanndra Mun 19:5

Lalofuɛ ng'ɔ bua ato'n, san be ´tu i fɔ. Fɔ ng'ɔ fata kɛ be tu gblɛfuɛ'n, san be ´tu i.

Nyanndra Mun 21:28

Sran ng'ɔ bua ato'n, be fɛ-mɛn i nuan su ndɛ'n. Nanwlɛfuɛ'n ɔ kan ndɛ ng'ɔ tili'n i weiin.

Nyanndra Mun 24:28

Nán tɔn ɔ wiengu wie suɛn. I sɔ gblɛ liɛ'n, nán kpɛ !

Zakari 8:16

Sanngɛ like ng'ɔ fata kɛ an yo'n yɛ: Amun `di nanwlɛ kle amun wiengu. Man jɔlɛ difuɛ'm di ndɛ mun nanwlɛ, be `yo man sran'm be afiɛn sɛ .

Matthieu 15:19

Afin akunndan tɛ'n, nin sran kunlɛ'n, nin bla nin bian bé yi annzɛ bé wun i bo kunndɛlɛ'n, nin bla nin bian kunndɛlɛ'n, nin awie'n, nin be wiengu suɛn tɔnlɛ'n, ɔ nin sran wun ndɛ kanlɛ'n, i kwlaa sɔ'n wo sran i anwlɛn'n nun.

Matthieu 26:59

Nyanmiɛn nyrun jranfuɛ dandan'm be nin jɔlɛ difuɛ dandan'm be kwlaa be kunndɛ Jésus wun sa kun bɔ be ´jran su fa kun i.

Sa nga bé yôli'n 6:13

Be man sran wie'm be jrannin be nyrun lɛ be tɔnnin i suɛn seli kɛ: «Bian nga kan Nyanmiɛn lika ng'ɔ o yɛ'n nin mmla'n be sacilɛ ndɛ titi,

1 Piɛr 3:16

Sanngɛ an `tɛ be su amanniɛn su, man be wun kɛ an sro Nyanmiɛn. Kɛ amun ´yo sɔ'n, nán an yo sa nga b'ɔ man amun ´koko i sin'n nan be nga be saci amun dunman'n, bɔ be kan sa kpa nga Krist ti an yo be'm be ndɛ'n, be wun nyannzuɛn.