Nyanndra Mun 12:14 - NYANMIƐN NDƐ'N 1998

¹⁴ Kɛ sran kun ´nyan muae'n, ɔ fin i nuan nun ndɛ'n. Junman nga sran kun di'n, i nuan like yɛ ɔ nyɛn i-ɔ.

Nyanndra Mun 12:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:11

Sa nga sran yo'n i nuan akatua yɛ ɔ fa mɛn i-ɔ. I nantilɛ'n su yɛ ɔ nian fa mɛn i ninnge mun-ɔn.

Jue Mun 63:5

Kɛ min nyin tɛ o su'n, wɔ asenna'n su wie-man n sa nun le. M ´man n sa'm be su m ´manman wɔ.

Nyanndra Mun 1:31

Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 13:2

Kɛ sran kun ´nyan like kpa di i lɛ'n, ɔ fin i nuan nun ndɛ'n. Gblɛfuɛ'm be liɛ'n ninnge kekleekle mun yɛ bé nyin o su-ɔ.

Nyanndra Mun 14:14

Sran nga i nzuɛn ti-man kpa'n, ɔ fɛ i sa tɛtɛ'm bé su afɛ'n. Sran kpa'n i klun jɔ, sa kpa b'ɔ yo be'n be ti.

Nyanndra Mun 15:23

Sɛ be usa wɔ ndɛ nan a si su tɛ klanman'n, ɔ man wɔ aklunjuɛ. Ndɛ ng'ɔ ju i kanwlɛ cɛ kpɛkuun b'a kan'n, i fɛ b'ɔ yo'n, be kan-man.

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 24:12

Sɛ a se kɛ: «M'an wun-man nun o!» Nyanmiɛn bɔbɔ si nun. Ɔ si ɔ sa nga a yo be'n. I nyin ta wɔ. Ɔ si sa ngba. Sran kun i sa ng'ɔ yo be'n, i su yɛ ɔ nian fa bu i fɔ-ɔ.

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Zeremi 17:10

«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Ndɛ Nga Nyanmiɛn I Nuan Ijɔfuɛ Oze Kannin'n 4:9

Sanngɛ sa ng'ɔ ´nyan min nyrun jranfuɛ mun'n, ɔ ´nyan min nvlefuɛ mun be wie. Be nzuɛn'n ti n ´kle be nun. Bé sa tɛ nga be yoli'n, be ´fɛ i su afɛ'n.

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Hébreu 11:26

Ɔ wunnin i kɛ finfin nga Krist ti be yo i'n ɔ ti kpa tra Ezipt lɔ like kpakpa'n kwlaa, afin like ng'ɔ wa nyɛn i cɛn wie'n, i nyin tɛ i mmua lɔ.

Hébreu 2:2

?Sɛ ndɛ nga anz'm be kannin'n ɔ kpɛnnin su'n, yɛ sɛ sa tɛ nin nyin kekle bɔ be yoli'n, be wunnin i kwlaa'n i sin'n,