Nyanndra Mun 12:12 - NYANMIƐN NDƐ'N 1998

¹² Klunwifuɛ'm be ninnge kunndɛlɛ liɛ'n, ɔ ti-mɛn i su. Sanngɛ sran kpa'n, ɔ trɛ i anwlɛn lele yɛ ɔ nyɛn i like liɛ-ɔ.

Nyanndra Mun 12:12 ပူးပေါင်းရင်းမြစ်များ

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Jue Mun 10:9

Ɔ bu sa kplɛ kɛ asɔmɔli wie bɔ ɔ'a sɛ i kunman nuan'n sa. Nyrɛnnɛnfuɛ'n yɛ ɔ kunndɛ i nan ɔ ´trɛ i-ɔ. Ɔ kɛnkɛn i ko yi i tɛ nun, kpɛkuun ɔ'a trɛ i.

Jue Mun 9:15

Yɛ n ´kan like fanunfanun nga a yo mannin min'n i kwlaa. N ´kan be sran'm be afiɛn Siɔn wa. Kpɛkuun n ´di delɛ nga a deli min'n i ti aklunjuɛ.

Nyanndra Mun 10:15

Sikafuɛ'n i anyanbeun'n ɔ sɛsɛ i kɛ klɔ bɔ b'a si i wun nin talɛ'n sa. Yalɛfuɛ'n kusu i like ng'ɔ mlin i'n yɛlɛ i yalɛ'n.

Nyanndra Mun 11:30

Like nga klun-ufuefuɛ'n yo'n, ɔ mɛn i nguan tɛnndɛn. Akunndanfuɛ'n i nuan nun ndɛ'n ti, sran'm be su i su .

Nyanndra Mun 21:10

Klunwifuɛ'n i klun akunndan'n yɛlɛ i wiengu tɛ yolɛ. I janvuɛ mun bɔbɔ, ɔ yaci cɛ-man be.

Ezai 27:6

Sɛ Zakɔb ti waka'n, wuun n ´se kɛ cɛn wie lele i osu'n nunfuɛ'm be ´nyan olui, be ´fɛfɛ, yɛ be ´bo nyrɛ, yɛ be mma'n be ´tru mɛn'n nun .

Ezai 37:31

Zida akpasua'n sufuɛ nga be kali lɛ'n, be ´yo kɛ waka bɔ be lɛ olui, bɔ mma o be su'n sa.

Mise 7:2

Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 15:5

Min yɛ n ti vinyi'n bo kpa nin-ɔn, an ti min sama. Sran ng'ɔ nin min a yo sran wunmuan bɔ e tran titi'n, ɔ ti kɛ waka sama b'ɔ su kpanngban sa, afin sɛ n nun-man nun'n, an kwla yo-man like fi.

Rɔmfuɛ Mun 6:22

Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.