Nyanndra Mun 11:4 - NYANMIƐN NDƐ'N 1998

⁴ Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Nyanndra Mun 11:4 ပူးပေါင်းရင်းမြစ်များ

Bo Bolɛ 7:1

Anannganman seli Noe kɛ: «A nin wɔ awlofuɛ mun an `wlu mmeli'n nun afin ɔ blɛ sufuɛ'm be kwlakwla be nun'n, wɔ kunngba yɛ n wun kɛ a nin min mantan-an.

Zɔb I Nyrɛnnɛn Wunlɛ 20:28

Nyanmiɛn i ya cɛn'n nun'n, nzue dan wie ɔ wa fɛ i bo ninnge mun ´kɔ.

Nyanndra Mun 10:2

Aeliɛ tɛ trɔ'n, be nyan-man su. Sanngɛ aeliɛ kpa'n man be nguan.

Nyanndra Mun 12:28

Nanwlɛ atin'n i su yɛ nguan'n wo-ɔ. I sɔ atin liɛ'n be sin su-ɔ be nyan nguan .

Nyanndra Mun 6:34

Afin kwla silɛ'n ɔ wla sran yasua'n i nyannyrin. Sɛ i klunngbɔ yɛ i waan ɔ ´tu'n, ɔ si-mɛn i nin akɔ, ɔ si-mɛn i si akɔ.

Ezai 10:3

?Fɔ bulɛ cɛn nun'n, nin nyrɛnnɛn ng'ɔ fin mmua ba'n i cɛn nun'n, amun ´yo i sɛ? ?Wan yɛ amun ´wanndi ko talo i-ɔ? ?Yɛ nin yɛ amun ´yaci amun anyanbeun ninnge mun-ɔn?

Ezekiɛl 14:14

Kannzɛ bɔ sran nsan nga mun: Noe, nin Daniɛl, ɔ nin Zɔb be o mɛn sɔ'n i nun tranfuɛ'm be afiɛn'n bɔbɔ'n, sɛ be yo sa kpa'n, be ngunmin yɛ be ´nyan bé ti-ɔ.» Anannganman Nyanmiɛn'n yɛ ɔ kan sɔ-ɔ.

Ezekiɛl 7:19

Be ´to be sika'n be ´guɛ klɔ'n nun atin'm be nun. Be sika ɔkwlɛ'n ´saci. Afin cɛn nga Anannganman i ya dan'n ɔ jaso'n, be jɛtɛ ufue nin be sika ɔkwlɛ'm be su kwla-man be de, be ku su yi-man kun, yɛ be klun su like nga be waan be ´yo'n, be su kwla yo-man. Afin jɛtɛ ufue nin sika ɔkwlɛ'n ti yɛ be tɔli tɛ nun nin-ɔn .

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

Rɔmfuɛ Mun 5:17

Nanwlɛ, sran kunngba i sa ng'ɔ yoli'n ti, wie'n kwla sran'm be kwlaa sran kunngba sɔ'n ti. Sanngɛ sa kpa nga Jésus-Krist kusu yoli'n ɔ ti dan kpa trɛ i, afin be kwlaa nga Nyanmiɛn yoli be ye b'ɔ kacili be sran kpa'n, be ´nyan nguan yɛ be ´di famiɛn Krist fanngan nun.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.