Nyanndra Mun 11:31 - NYANMIƐN NDƐ'N 1998

³¹ Sran kpa'n ɔ nyɛn i kpa yolɛ'n su nvasuɛ asiɛ'n su wa. Klunwifuɛ'n nin sran tɛfuɛ'n be kusu san be ´nyan be akatua liɛ .

Nyanndra Mun 11:31 ပူးပေါင်းရင်းမြစ်များ

2 Samiɛl 22:21

Sa ti bɔ Anannganman yoli min kpa'n yɛlɛ kɛ n kpɔci-mɛn i, sa tɛ bɔ n yo-man'n i ti yɛ ɔ nian min nyrun nin-ɔn.

2 Samiɛl 22:25

Kɛ n kpɔci-man Anannganman'n, kɛ bɔ n ti saun i nyrun'n ti'n, ɔ nian min nyrun.

1 Famiɛn Mun 13:24

Nan Nyanmiɛn nuan ijɔfuɛ kun sɔ'n ɔ'a ɔ. Asɔmɔli kun nin i ko yiali atin'n nun, nan ɔ'a kun bian sɔ'n. I fuɛn'n nannan atin'n nun, aflunmun'n jin i wun lɛ yɛ asɔmɔli'n kusu jin i wun lɛ wie.

Nyanndra Mun 12:1

Sran ng'ɔ kplin su kɛ be tu i fɔ'n, i sɔ sran liɛ'n klo kɛ ɔ ´si akunndan. Sran ng'ɔ klo-man kɛ be tu i fɔ'n, ɔ ti sinnglinfuɛ.

Nyanndra Mun 13:21

Be nga be yo sa tɛ'n, sa yaci-man bé su tɔlɛ le. Muae'n kusu yɛ ɔ ti sran kpa'm be liɛ-ɔ.

Nyanndra Mun 26:10

Junman su kpɛn nga sɛ sinnglinfuɛ nga be ´sin'n, ɔ fa be kwlaa wlɛ i junman nun'n, ɔ ti kɛ ta tofuɛ ng'ɔ to i ta'n wɔ sran'm be kwlaa'n sa.

Ezai 13:11

Anannganman waan: «Mɛn'n nunfuɛ'm be klunwi'n ti, m ´bu be fɔ, yɛ be bɔ be sro-man Nyanmiɛn'n, bé sa tɛ bɔ be yo'n ti, m ´bu be fɔ. N ´jran wun tufuɛ'm bé wun dandan bɔ be yo'n, yɛ be nga bɔ kɛ be ´sie sran'm be tin be su'n, bé wun ngbli-ngbli yolɛ'n, n ´kɛn i ase.

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Zeremi 25:29

?Kɛ bɔ klɔ nga min dunman'n wo su yɛ'n n dun mmua n fali nyrɛnnɛn'n n yili su nin-ɔn, yɛ amun li yɛ n ´yaci n ´cɛ amun-ɔn? N su yaci cɛ-man amun. N ´fa alɛ'n n yi i asiɛ wunmuan'n su. Min Anannganman b'ɔ n sie mɛn wunmuan'n yɛ ɔ kan sɔ-ɔ.»

Ezekiɛl 44:10

«Levifuɛ nga be yacili min'n bɔ be kacili be sin sili min'n, bɔ be nin Izraɛlfuɛ'm be onga mun be ko sɔli amuɛn fiɛnfiɛn mun'n, be liɛ'n, be wa fɛ be sa tɛ'n i su afɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 4:9

Sanngɛ sa ng'ɔ ´nyan min nyrun jranfuɛ mun'n, ɔ ´nyan min nvlefuɛ mun be wie. Be nzuɛn'n ti n ´kle be nun. Bé sa tɛ nga be yoli'n, be ´fɛ i su afɛ'n.