Nyanndra Mun 11:28 - NYANMIƐN NDƐ'N 1998

²⁸ Sran ng'ɔ fɛ i wla'n kwlakwla guɛ i anyanbeun'n su'n, san tɔlɛ yɛ ɔ ´tɔ-ɔ. Klun-ufuefuɛ'm be liɛ'n, be bua kɛ waka nnya sa.

Nyanndra Mun 11:28 ပူးပေါင်းရင်းမြစ်များ

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Jue Mun 49:6

?Sɛ nyrɛnnɛn blɛ'n ju'n, sɛ min kpɔfuɛ'm be cɛncɛn min'n, nguɛ ti yɛ man srɛ ko kun min-ɔn?

Jue Mun 62:10

Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

Nyanndra Mun 10:15

Sikafuɛ'n i anyanbeun'n ɔ sɛsɛ i kɛ klɔ bɔ b'a si i wun nin talɛ'n sa. Yalɛfuɛ'n kusu i like ng'ɔ mlin i'n yɛlɛ i yalɛ'n.

Ezai 60:21

Be nga be o ɔ mɛn'n nun'n, be ´yo sran kpa ngunmin kokoko, be yɛ be ´sie mɛn nin-ɔn. Be ti kɛ waka bɔ n tali be'n sa, be ti mín sa nuan like. N yili be kɛ be manman min.

Zeremi 17:8

Ɔ ti kɛ waka wie b'ɔ jin nzue nuan'n sa, bɔ i olui'm be trɛ kɔ nzue ba'n nuan'n sa. Wia'n ´bo-ɔ, i ndɛ nun-man nun. I nnya'n blo-man le. Afuɛ nga nzue'n ɔ'a tɔ-man-an, ɔ ti-mɛn i ndɛ mlɔnmlɔn. Ɔ yaci-man mma sulɛ le.

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.