Nyanndra Mun 11:20 - NYANMIƐN NDƐ'N 1998

²⁰ Be nga be klun akunndan'n ti-man kpa'n, Anannganman klun jɔ-man bé wun. Be nga be nzuɛn'n ti kpa'n, i sɔfuɛ mun yɛ i klun jɔ bé wun-ɔn.

Nyanndra Mun 11:20 ပူးပေါင်းရင်းမြစ်များ

1 Be Nyoliɛ 29:17

Min Nyanmiɛn, n si kɛ ɔ liɛ'n, a nian sran'm be anwlɛn'n nun, yɛ sa nga be yo i nanwlɛ nun'n yɛ a klo i-ɔ. Ninnge nga m mannin wɔ'n, n klun su yɛ n fa be m mannin-ɔn. Ɔ sran nga b'a yia wa'n kusu, n wun i kɛ like nga be mannin'n ti be klun su, i ti min klun jɔ klanman.

Jue Mun 101:4

Sa tɛ yolɛ anwlɛn'n, n klo-man kɛ n nyan wie. E nin sa tɛ'n ye afiɛn ´ti nun.

Jue Mun 11:7

Afin Anannganman ti sɛsɛ. Ɔ klo like nga be yo i i nuan su sɛsɛ'n. Be bɔ be ti sran kpa'n be ´wun i nyrun'n.

Jue Mun 119:1

Be nga bɔ be nanti sein'n, bɔ Anannganman i mmla'n su yɛ be nian be nanti'n, be liɛ su ti ye!

Jue Mun 140:13

N si kɛ Anannganman di nyrɛnnɛnfuɛ'm be jɔlɛ mun klanman man be, yɛ ɔ bu-man yalɛfuɛ'm be ndɛ kwlɛ.

Jue Mun 51:6

Ɔ kunngba yɛ n yoli wɔ sa nin-ɔn. N yoli sa nga a klo-mɛn i'n. Ɔ man kɛ a ´di min jɔlɛ'n, ndɛ nga a ´kan gua su'n, i kanwlɛ su-ɔ, yɛ n fɔ nga a ´bu, i buwlɛ su-ɔ .

Nyanndra Mun 11:21

Kannzɛ ɔ yo sɛ klunwifuɛ'm be fɔ tulɛ'n ɔ su to fuan-man be. Klun-ufuefuɛ'm be osu'n nun mma'm be liɛ'n, be nyan bé ti. Klunwifuɛ mun ɔ lɛ-man kɛ be su nyan-man be klunwi'n i nuan like.

Nyanndra Mun 12:22

Anannganman i nyin ci gblɛfuɛ mun. Be nga be di nanwlɛ'n be liɛ'n, i klun jɔ bé wun.

Nyanndra Mun 13:6

Sran nga b'ɔ nanti nanwlɛ atin'n su'n, nanwlɛ'n fɛ i fia. Klunwi'n kusu ɔ kun klunwifuɛ'n.

Nyanndra Mun 14:9

Sɛ sinnglinfuɛ'm be yo sa wie'n, be klo-man kɛ be siesie. Sanngɛ sɛ sran kpa'n ɔ yo sa tɛ wie'n, i klun jɔ-man.

Nyanndra Mun 15:26

Anannganman i nyin ci akunndan tɛ'n. Ndɛ nga sran ti-ɔ, ɔ ukɛ i'n, yɛ ɔ jɔ i klun-ɔn.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 16:17

Sran nga be ti kpa'n be kaci bé sin be si sa tɛ yolɛ'n. Sran ng'ɔ ´nanti-ɔ ɔ sɛsɛ i wun'n, wuun i nguan'n yɛ ɔ ´sɛsɛ i lɛ-ɔ.

Nyanndra Mun 21:29

Sran ng'ɔ yo sa tɛ'n, ɔ lafi i bɔbɔ i wun su. Sran ng'ɔ ti sran ndɛnman su'n, be kwla lafi i su.

Nyanndra Mun 3:32

Afin Anannganman nyin ci klunwifuɛ mun. I aenguɛ kusu yɛlɛ klun-ufuefuɛ mun.

Nyanndra Mun 6:14

Gblɛ'n yɛ ɔ o i klun-ɔn. Sran wun akunndan tɛ'n yɛ ɔ sunnzun i liɛ titi-ɔ. Utre'n yɛ ɔ kpɛ i ba-a.

Nyanndra Mun 8:13

Ɔ min kun ng'ɔ nyin yi Anannganman'n, san kpɔlɛ yɛ a ´kpɔ tɛ nin-ɔn. N liɛ'n, min like nga n klo-mɛn i'n yɛlɛ ijɔlɛ kpakpa'n nin tutre'n, nin sa tɛtɛ'm be yolɛ'n, ɔ nin gblɛgblɛ'm be kpɛlɛ'n.

Nyanndra Mun 9:7

Sran b'ɔ tu tutrefuɛ fɔ'n, i sɔ sran liɛ'n ɔ'a mɛn i bɔbɔ wun kpɔɛ. Nga kusu b'ɔ tu klunwifuɛ fɔ'n, sɛ ɔ ti nzowa-a, i bɔbɔ yɛ man be kpɛli i-ɔ.