Nyanndra Mun 11:14 - NYANMIƐN NDƐ'N 1998

¹⁴ Nvle ng'ɔ lɛ-man sunianfuɛ'n, ɔ bo. Sanngɛ sɛ afɔtuɛ manfuɛ'm be sɔn'n yɛ ɔ ti kpa-a.

Nyanndra Mun 11:14 ပူးပေါင်းရင်းမြစ်များ

1 Famiɛn Mun 1:12

N wa man wɔ ngwlɛlɛ kun kɛ ɔ ´yo nan a nin ɔ́ wa Salomɔn amu'an fite nun'n ti.

2 Be Nyoliɛ 22:4

Ɔ yoli sa nga be yo-man Anannganman fɛ'n kɛ Akab i awlo'n nunfuɛ'm be yoli'n sa. Kɛ i si wuli'n, Akab i awlo'n nunfuɛ'm be mɛnnin i afɔtuɛ tɛ mun bɔ be yoli i mlinlɛ like.

Nyanndra Mun 15:22

Like nga be ´yo-ɔ be usa-man ngwlɛlɛ afɛ'n, ɔ kpɛn-man su. Sanngɛ nga be ´yo-ɔ, afɔtuɛ manfuɛ'm bé ti yiɛ i wun kpanngban'n, ɔ yo ye.

Nyanndra Mun 16:22

Be nga be si akunndan'n, akunndan silɛ'n man be nguan. Yɛ be nga be lɛ-man akunndan'n, be afɔtuɛ'n yɛlɛ fia bɔ be bo'n.

Nyanndra Mun 20:18

Like nga be waan be ´yo'n, be fa akunndan sran sa nun yɛ be yo-ɔ ɔ yo kpa-a. Be fa akunndan yɛ be kɔ alɛ kunlɛ nin-ɔn.

Nyanndra Mun 24:6

Sɛ a ´kɔ alɛ kunlɛ'n, nian ɔ́ wun kpa. Sɛ a usa ngwlɛlɛ afɛ sran sunman sa nun'n yɛ a nyan jranwlɛ-ɔ.