Nyanndra Mun 10:9 - NYANMIƐN NDƐ'N 1998

⁹ Sran nanwlɛfuɛ'n, ɔ o i o lɛ bɔ diin cɛ! Sran nga kusu bɔ i atin'n ti-man ndɛnman su'n, sɛ ɔ fia-a, san wunlɛ cɛ yɛ be ´wun i-ɔ.

Nyanndra Mun 10:9 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Zɔb I Nyrɛnnɛn Wunlɛ 8:20

Nyanmiɛn yi-man sran bɔ be wun-man sa be wun'n be blo le. Ɔ uka-man sa tɛ yofuɛ mun.

Jue Mun 23:4

Sɛ bɔ n su sin kongo tuun kpa b'ɔ yo sro'n i nun'n, srɛ bɔ kaan sa kun-man min, afin Anannganman, a nin min yɛ e kɔ-ɔ, yɛ ɔ waka bɔ a fa kle min atin'n, ɔ nin ɔ kpɔnman bɔ a fa sasa min'n, be ti n koko-man.

Jue Mun 25:21

Ɔ su yɛ n lafi-ɔ. Uka min, nán man n yo sa tɛ. Man n nanti kɛ ɔ fata'n sa.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Nyanndra Mun 17:20

Sran ng'ɔ ti gblɛ'n, ɔ nyan-man muae. Sran nga i nuan nun ndɛ ti nnyɔn-nnyɔn'n, sa yalɛ'n yɛ ɔ tɔ i su-ɔ .

Nyanndra Mun 26:26

Ɔ si i wun ngwlɛlɛ, ɔ yo kɛ ɔ kpɔ-man sran sa, sanngɛ ɔ ´ju kɔ-ɔ, klɔfuɛ'm be ´si kɛ i klun yo wi.

Nyanndra Mun 28:1

Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Nyanndra Mun 28:18

Sran ng'ɔ nanti sein'n, ɔ ´nyɛn i ti. Gblɛfuɛ nga kusu b'ɔ kpanndan sin atin nnyɔn su'n, san ɔ ´fin ase kun nun.

Nyanndra Mun 3:23

Kɛ ɔ ko yo sɔ'n, atin nga a ´fa bɔ a ´nanti su'n, ɔ́ ja'n ɔ ´ti asiɛ. Yɛ kusu ɔ́ ja su kpla-man.

Matthieu 10:26

«I sɔ'n ti, nán an sro sran mun mlɔnmlɔn, afin sa kwlaa nga be katakata su'n i wie fi su ka-man lɛ b'ɔ su fite-man nglo-ɔ, yɛ ndɛ fi su ka-man nvialiɛ nun bɔ be su si-man nun-ɔn.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

1 Timote 5:25

Yɛ sa kpa nga kusu bɔ sran wie'm be yo'n, sran'm be wun i, nga kusu bɔ b'a ka-man lɛ b'a wun-mɛn i'n, ɔ su ka-man bui bo, san be ´wun i.