Nyanndra Mun 10:8 - NYANMIƐN NDƐ'N 1998

⁸ Sran nga be wuli i akunndanfuɛ'n, be kan ndɛ be kle i-ɔ, ɔ ti. Sran nga bɔ jɔlɛ tɛ yɛ ɔ o i nuan'n, ɔ ti mlinfuɛ.

Nyanndra Mun 10:8 ပူးပေါင်းရင်းမြစ်များ

Jue Mun 119:34

Man min ngwlɛlɛ man n fa ɔ mmla'n su, yɛ n ´tu n klun n fa su .

Nyanndra Mun 1:5

Sɛ bɔ akunndanfuɛ'n bɔbɔ sie i su ti'n, ɔ ´si sa uflɛ uka laa liɛ'n su. Sɛ sran nga be ti ngwlɛlɛfuɛ'n be ti'n, be ´wun wafa ng'ɔ fata kɛ be nanti'n.

Nyanndra Mun 10:10

Sran ng'ɔ fa srongble kan ndɛ'n sɛ sa ´ba-a, ɔ fin i. Sran nga kusu b'ɔ di nanwlɛ'n, sɛ alaje ´ba-a, ɔ fin i.

Nyanndra Mun 10:14

Ngwlɛlɛfuɛ'm be si fa sie, sran ng'ɔ wun-man sa wlɛ'n, i nuan nun ndɛ liɛ'n ɔ fɛ i kɔ mlinlɛ'n nun.

Nyanndra Mun 12:1

Sran ng'ɔ kplin su kɛ be tu i fɔ'n, i sɔ sran liɛ'n klo kɛ ɔ ´si akunndan. Sran ng'ɔ klo-man kɛ be tu i fɔ'n, ɔ ti sinnglinfuɛ.

Nyanndra Mun 12:13

Sran tɛfuɛ'n i ato ng'ɔ bua'n, ɔ ti kɛ i bɔbɔ wun aya sa yɛ ɔ sua-a. Sanngɛ sran kpafuɛ'n, man sa'n bɔ tɔ i su sɛ, san ɔ ´fin nun fite.

Nyanndra Mun 13:3

Sran ng'ɔ si i nuan'n sie'n, wuun ɔ si i wun sasa. Sran nga kusu b'ɔ ijɔ-ɔ ɔ lɛ-man kpɛbo'n, san mlinlɛ yɛ ɔ mlin-ɔn.

Nyanndra Mun 14:23

Junman kwlaa lɛ mmlusuɛ, sanngɛ ijɔlɛ fiaii'n, ɔ yo man be di yalɛ.

Nyanndra Mun 14:8

Sran ng'ɔ ti akunndanfuɛ'n, ɔ niɛn i wun su kpa. Sinnglinfuɛ'n i sinnzin'n ti ɔ mlin.

Nyanndra Mun 9:8

Sɛ ɔ waan nán tutrefuɛ'n kpɔ wɔ'n, nán tu i fɔ. Tu akunndanfuɛ'n fɔ. Sɛ a tu i fɔ-ɔ, ɔ ´klo ɔ́ sa.

Nyanndra Mun 9:9

Man ngwlɛlɛfuɛ'n i akunndan, mɛn i akunndan man ɔ si wie ekun tra su. Kle sran kpa'n i ngwlɛlɛ. Kle i ngwlɛlɛ man ɔ si sa uka laa liɛ'n su.

Akunndanfuɛ'n 10:12

Akunndanfuɛ'n i nuan nun ndɛ'n yo man sran'm bé nyin yi i. Sanngɛ sinnglinfuɛ'n i nuan ndɛ'n mlin i bɔbɔ.

Jacques 3:13

?Amun nun onin yɛ ɔ si ngwlɛlɛ b'ɔ wun sa wlɛ-ɔ? Man be wun i sɔ i nzuɛn kpa'n nin sa kpa ng'ɔ yo be'n nun, yɛ man be wun kɛ ɔ yo i wun aenvuɛ yɛ ɔ ti ngwlɛlɛfuɛ.