Nyanndra Mun 10:7 - NYANMIƐN NDƐ'N 1998

⁷ Sran kpa sa'n, i dunman liɛ'n ɔ jaso-man bé nuan'n nun le. Sanngɛ klunwifuɛ'm be dunman liɛ'n, ɔ tɔ nzue nun.

Nyanndra Mun 10:7 ပူးပေါင်းရင်းမြစ်များ

1 Famiɛn Mun 11:36

Yɛ n ´fa akpasua kun m ´mɛn i wa'n, kɛ ɔ ´yo nan David b'ɔ ti min sufuɛ'n i osu'n nunfuɛ kun ɔ'a yo famiɛn Zerizalɛm lɛ blɛ kwlaa'n ti. Zerizalɛm klɔ sɔ'n yɛ n kpɛli i kɛ i nun yɛ n ´tran-an.

2 Famiɛn Mun 19:34

M bɔbɔ min dunman'n ti, ɔ nin min sufuɛ David ti, n ´sasa klɔ nga, yɛ n ´de i nun sran mun.› »

2 Be Nyoliɛ 24:16

Be sieli i David Klɔ lɔ kan be sie famiɛn'm be lɛ'n, yɛlɛ kɛ ɔ yoli sa kpa Izraɛl mɛn'n nun, yɛ ɔ yoli man Nyanmiɛn nin i sua'n be nyannin nyrun.

2 Be Nyoliɛ 32:33

Kɛ Ezekias wuli'n, be sieli i David osu nunfuɛ'm be ndia nglo-nglo kpafuɛ'n nun. Kɛ ɔ wuli sɔ'n, Zerizalɛmfuɛ mun nin Zidafuɛ kun nga'm be kwlaa be kɛnnin i wun ndɛ klanman, yɛ i wa Manase sinnin i osu-ɔ.

Zɔb I Nyrɛnnɛn Wunlɛ 18:17

Be wla ´fi i su asiɛ'n su, be su bo-mɛn i dunman lika fi nun kun.

Zɔb I Nyrɛnnɛn Wunlɛ 24:20

Bla ng'ɔ wunnzɛli be'n i wla fi be. Kakaa mma'm be di be be klun jɔ. Sran fi wla kpɛn-man be su kun. Kɛ sa tɛ'n i agualiɛ'n ɔ ti sa: be bu i bo kɛ waka sa.

Zɔb I Nyrɛnnɛn Wunlɛ 27:23

Kɛ sran'm be wun i sɔ'n, i fɛ b'ɔ yo be'n ti, ɔ kle be ndɛ bolɛ, yɛ be bo feliman.

Jue Mun 109:13

Man i osu'n nunfuɛ'm be nunnun. Man i dunman liɛ'n ɔ mlin akpasua nga be wa jaso su klikli'n be afiɛn.

Jue Mun 109:15

Nán Anannganman i wla tra fɔnlɛ nin sa tɛ sɔ'm be su le. Man ɔ nunnun sran sɔ'm be dunman'n mɛn'n nun.

Jue Mun 112:6

Ɔ tɔ-man le nan kɛ ɔ ´yo-ɔ ɔ'a yo. Sran ng'ɔ yo sa i nuan su'n, be wla fi-mɛn i su le .

Jue Mun 34:16

Afin Anannganman i nyin wo i sufuɛ nanwlɛfuɛ'm be su, i su o yalɛ nga be koko kle i'n su.

Jue Mun 34:17

Anannganman nin be bɔ be yo sa tɛ'n be kun, afin i waan ɔ ´nunnun be dunman'n mɛn'n nun .

Jue Mun 41:5

N seli Anannganman kɛ: «Anannganman, n fɔnnin ɔ wun, sanngɛ si min aunnvuɛ, yo min juejue.»

Nyanndra Mun 22:1

Sɛ be bo ɔ dunman kpa'n, ɔ ti kpa tra anyanbeun ninnge'n kwlaa. Sɛ sran'm be bo ɔ dunman kpa'n, ɔ ti kpa tra sika ɔkwlɛ nin jɛtɛ ufuɛ'n.

Akunndanfuɛ'n 8:10

N wunnin kɛ be nga be yo klunwi'n be nyan sɛ dan kpa. Kɛ sran'm be fa i sɔfuɛ'm be fuɛn'n be kɔ Nyanmiɛn i sua'm be nun bɔ be fite'n, kpɛkuun bé wla fi sa tɛ nga sran sɔ'm be yoli'n. Sa sɔ'n tra sran i akunndan'n su, yɛ i kwlaa ti afɛ ngbɛn.

Ezai 14:22

Anannganman b'ɔ sie mɛn wunmuan'n wan yoo: «N wa jaso bé wun, n wa nunnun Babilɔni i dunman'n nin sran nga be kali nun lɛ'n mun. N wa nunnun Babilɔnifuɛ mun nin be nga be wa jaso su'n.» Anannganman'n yɛ ɔ se sɔ-ɔ.

Zeremi 17:13

Anannganman, wɔ bɔ ɔ su yɛ Izraɛl i wla'n wo'n, be bɔ be kaci be sin be si wɔ'n be ´wun nyannzuɛn. Be bɔ be yaci wɔ lɛ kɔ like uflɛ sin'n, be ti kɛ dunman bɔ b'a klɛ i aunnyan nun bɔ i nunnunlɛ ɔ yo-man ya'n sa. Afin Anannganman b'ɔ ti kɛ nzue ti kun bɔ i nun nzue'n ti klengle b'ɔ wie-man nun le sa'n, b'a yaci i lɛ.

Marc 14:9

Nanwlɛ, mɛn wunmuan'n nun'n, lika kwlaa nga be ´bo jasin fɛ'n lɛ'n, be ´kan sa nga bla nga yoli'n wie kɛ bé wla ´kpɛn i su.»

JÉSUS-CHRIST I DYASIN FE'N BO LUC KLELI'N 1:48

yɛlɛ kɛ ɔ'a nian m bɔ n ti i afanniɛn aenvuɛfuɛ kan'n i osu. Afin kɛ ɔ fin ndɛ'n, sran'm be kwlaa be wa se n kɛ: ‹Mmo, ɔ liɛ su ti ye!›