Nyanndra Mun 10:5 - NYANMIƐN NDƐ'N 1998

⁵ Sran nga bɔ wawa'n kpɛn-ɔn ɔ kunndɛ aliɛ sie'n, i sɔ sran liɛ'n ɔ ti ngwlɛlɛfuɛ. Sran nga kusu bɔ aliɛ fitelɛ blɛ'n nun ɔ lafi'n, i sɔ sran liɛ'n, ɔ guɛ i si nin i nin bé nyin ase.

Nyanndra Mun 10:5 ပူးပေါင်းရင်းမြစ်များ

Nyanndra Mun 10:4

Sran nga i ja kan-man i sa kan-man'n, ɔ di yalɛ. Sanngɛ be nga bé sa waka'n ti kekle'n, be nyan bé wun.

Nyanndra Mun 10:6

Sran kpa'n, san muae cɛ yɛ ɔ o i wunmuan su-ɔ. Klunwifuɛ'm be kusu, be ´kan ndɛ sa-a, ɔ waan ndɛ kpa yɛ be ´kɛn i lɛ-ɔ.

Nyanndra Mun 12:4

Bla ng'ɔ ti bla kpa'n ɔ mɛn i wun i kɔmin su. Bla nga kusu b'ɔ gua i wun nyin ase'n, ɔ ti kɛ ngbaciɛ yɛ ɔ su kpaci i owie'n nun sa .

Nyanndra Mun 17:2

Akua ng'ɔ ti ngwlɛlɛfuɛ'n i nyrun ba nyan tra awlo ba nga b'ɔ si-man ngwlɛlɛ'n. Ɔ man sɛ be ´cɛ awlo aja ninnge'n, bé wla fi-mɛn i su.

Nyanndra Mun 19:26

Sran nga b'ɔ yo i si kpokokpoko'n, b'ɔ kɛnkɛn i nin bo'n, i sɔ ba liɛ'n i si nin i nin bé nyin gua ase.

Nyanndra Mun 27:25

Kɛ a kpɛ ijre'n bɔ ijre uflɛ fu'n, isa ijre ng'a kpɛli b'ɔ gua oka'm be su'n,

Nyanndra Mun 30:25

Ijrewa'm be lɛ-man wunmiɛn mlɔnmlɔn, sanngɛ aliɛ nga be ko di'n, kɛ wawa'n ko kpɛn'n be kunndɛ be sie.

Nyanndra Mun 6:6

Fuɛnfuɛ, ko nian ijrewa mun. Nian be like bɔ be yo'n su siin. Sɛ a nian su'n, a wa nyan akunndan i nun!

Nyanndra Mun 6:8

Sanngɛ wawa nun'n, be kunndɛ bé nuan nun aliɛ sie. Like nga bɔ be ko di'n, aliɛ fitelɛ blɛ nun'n, be tiɛntiɛn i nuan be sie.