Nyanndra Mun 10:4 - NYANMIƐN NDƐ'N 1998

⁴ Sran nga i ja kan-man i sa kan-man'n, ɔ di yalɛ. Sanngɛ be nga bé sa waka'n ti kekle'n, be nyan bé wun.

Nyanndra Mun 10:4 ပူးပေါင်းရင်းမြစ်များ

Bo Bolɛ 26:32

Le kunngba sɔ nun'n, Izaak i sran'm be wa kannin gbo wie bɔ be su kpɛ'n i nun jasin'n kleli i. Be waan: «Y'a tɔ nzue nun.»

Nyanndra Mun 10:5

Sran nga bɔ wawa'n kpɛn-ɔn ɔ kunndɛ aliɛ sie'n, i sɔ sran liɛ'n ɔ ti ngwlɛlɛfuɛ. Sran nga kusu bɔ aliɛ fitelɛ blɛ'n nun ɔ lafi'n, i sɔ sran liɛ'n, ɔ guɛ i si nin i nin bé nyin ase.

Nyanndra Mun 11:24

Sran wie o lɛ'n, sɛ ɔ nyan like'n, sran mun yɛ ɔ fa cɛcɛ be-ɔ, sanngɛ kusu ɔ nyɛn i wun. Wie kusu nyɛn i liɛ-ɔ ɔ yo i su anwɛn. Sanngɛ kpɛkuun yalɛ'n di i.

Nyanndra Mun 12:24

Sran ng'ɔ klo junman yolɛ'n yɛ ɔ di kpɛn-ɔn. Ainkuɛn'n kusu i agualiɛ yɛlɛ akua yolɛ.

Nyanndra Mun 12:27

Nvɛɛfuɛ'n, ɔ nyan nnɛn-ɔn, ɔ kwlɛ-mɛn i nyintɔn. Sɛ be wu wɔ nan a ti like yofuɛ'n i kpa liɛ'n be nyɛn-mɛn i.

Nyanndra Mun 13:4

Like nga fuɛnfuɛ'n i anwlɛn o su'n, ɔ nyɛn-mɛn i le. Sran ng'ɔ ti juejue'n i liɛ'n, ɔ yo i like liɛ'n lele ɔ nyan su like.

Nyanndra Mun 18:9

Sran nga b'ɔ lafi-mɛn i junman'n su di-man'n, ɔ nin sran nga b'ɔ saci junman'n, be nnyɔn'n be ti kunngba.

Nyanndra Mun 19:15

Fuɛnfuɛ'n i junman b'ɔ di'n yɛlɛ lafilɛ. Sran nga kusu b'ɔ kwlɛ-mɛn i wun keje'n, awe'n yɛ ɔ ´kun i-ɔ.

Nyanndra Mun 19:24

Fuɛnfuɛ'n ɔ fɛ i sa wlɛ i aliɛ talie'n nun, sanngɛ ɔ kwla fa wlɛ-mɛn i nuan nun.

Nyanndra Mun 20:13

Sɛ lafilɛ'n yɛ ɔ waan be fa man wɔ nan a lafi'n, yalɛ ´di wɔ. Jaso nglɛmun ndɛ funndan yo like, i liɛ'n a ´di like ɔ ku ´yi.

Nyanndra Mun 20:4

Junman dilɛ'n ju-ɔ, fuɛnfuɛ'n waan ayrɛ o nun i ti ɔ di-man wie, sanngɛ kɛ aliɛ'n ko fite'n, kpɛkuun i waan ɔ ´kunndɛ wie di, sanngɛ kusu ɔ nyɛn-mɛn i.

Nyanndra Mun 21:5

Sran ng'ɔ ´yo like-ɔ ɔ sunnzun i klun nan ɔ'a yo'n, ɔ ´di alaje. Nga kusu b'ɔ kpli yo like'n, awe'n yɛ ɔ nin i be ´yia nun-ɔn.

Akunndanfuɛ'n 10:18

Sran ng'ɔ bubu i ja tran su'n, i sua'n su tu. Sran ng'ɔ ti fuɛnfuɛ'n, i sua'n gua.

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

1 Korɛntfuɛ Mun 15:58

I sɔ'n ti'n, n niaan kpa mun, an `jran kekle, nán amún wun usu amun, an `di e Min'n i junman'n kpa wɔ amun nyrun tititi. Man an si kpa kɛ like nga e yo man e Min'n, ɔ su ka-man ngbɛn.