Nyanndra Mun 10:32 - NYANMIƐN NDƐ'N 1998

³² Sran kpa'n ɔ si ndɛ fɛfɛ kan, klunwifuɛ'm be liɛ'n, ndɛ tɛtɛ'n yɛ ɔ o bé nuan-an.

Nyanndra Mun 10:32 ပူးပေါင်းရင်းမြစ်များ

Nyanndra Mun 11:11

Sran kpa'm be fa be nuannzue klanman be man klɔ'n i kɔmin su, yɛ klunwifuɛ'm be kusu be fa bé nuan nun tɛ'n be bo klɔ.

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 12:6

Klunwifuɛ'm bé nuan nun ndɛ'n ti kɛ aya sa. Sran ng'ɔ tɔ nun-ɔn, san wulɛ cɛ yɛ ɔ wu-ɔ. Sran kpafuɛ'm be kusu bé nuan waka'n yɛ be fa de sran mun-ɔn.

Nyanndra Mun 15:2

Ndɛ ng'ɔ fin ngwlɛlɛfuɛ'm bé nuan fite'n, sran ti-ɔ ɔ yo i fɛ. Be nga be si-man ngwlɛlɛ'n, be liɛ, ng'ɔ fin bé nuan fite'n, ɔ ti sinnzin ndɛ ngunmin.

Nyanndra Mun 15:28

Sran ng'ɔ ti sran kpa'n, ɔ bu sa sin nan ɔ'a tɛ ndɛ su. Klunwifuɛ'm be liɛ'n, be jranjran-man sran wun ndɛ tɛtɛ kanlɛ'n wun.

Nyanndra Mun 2:12

Ɔ man a su fa-man atin tɛ'n. A su su-man gblɛfuɛ'm be su.

Nyanndra Mun 4:24

Nán man ato'n ɔ tran ɔ́ nuan. Nán fa gblɛ tolɛ'n tra nun.

Nyanndra Mun 6:12

Sran gblɛfuɛ klunwifuɛ'n, kɛ ɔ ´nanti sin'n, gblɛ'n yɛ ɔ o i nuan nun-ɔn.

Akunndanfuɛ'n 10:12

Akunndanfuɛ'n i nuan nun ndɛ'n yo man sran'm bé nyin yi i. Sanngɛ sinnglinfuɛ'n i nuan ndɛ'n mlin i bɔbɔ.

Akunndanfuɛ'n 12:10

Akunndanfuɛ'n ɔ niannin nun kpa kunndɛli fɔnvɔlɛ ndɛ kpakpa mun. Ndɛ ng'ɔ klɛli be'n kusu, kɛ sa'n fa ti'n yɛ ɔ niannin su klɛli-ɔ.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Tite 2:8

Kan ndɛ ng'ɔ ti kpa'n nan sran fi a se-man kɛ ndɛ nga a kan'n ti tɛ, nan ɔ kpɔfuɛ'm bé nyin gua ase, afin be su wun-man é wun ndɛ fi kan-man.