Nyanndra Mun 10:28 - NYANMIƐN NDƐ'N 1998

²⁸ Sa nga klun-ufuefuɛ'm bé nyin o i sin'n, san be ´nyan su aklunjuɛ. Klunwifuɛ'm be sunnzunlɛ nga be sunnzun'n, i kwlaa tɔ nzue nun.

Nyanndra Mun 10:28 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:20

Sanngɛ sran nga be bu-man Nyanmiɛn like fi'n be ´minndɛ ukalɛ'n lele ngbɛn. Be su nyan-man fiawlɛ. Like nga be minndɛ i'n ɔ ti kunngba, yɛlɛ wie'n.

Zɔb I Nyrɛnnɛn Wunlɛ 8:13

Be bɔ bé wla fi Nyanmiɛn'n, kɛ be agualiɛ'n ɔ ti sɔ-ɔ. Be nga be kaci bé sin si Nyanmiɛn'n, be lɛ-man like fi bɔ be fa bé wla gua su-ɔ.

Jue Mun 112:10

Kɛ klunwifuɛ'n wun i sɔ'n, ya kun i, kɛ ɔ kɛkɛ i nuan bui'n sa, kpɛkuun i wun glɔ i. Sa nga klunwifuɛ'm be waan ɔ ´ju'n, ɔ kpɛn-man su le.

Jue Mun 16:9

Ɔ man min klun ti jɔwa, yɛ min wun kpaja min.

Jue Mun 68:4

Sanngɛ sran nga Nyanmiɛn bu be sran kpa'n, man be klun jɔ, man be tu be kpɛn Nyanmiɛn nyrun, man be bo sro.

Nyanndra Mun 11:23

Like nga sran kpa'm be kunndɛ kɛ be ´yo'n ɔ ti kunngba, yɛlɛ kpa yolɛ. Like nga kusu bɔ klunwifuɛ'm be gugu kɛ be ´yo'n, ɔ kun Nyanmiɛn i ya.

Nyanndra Mun 11:7

Like nga klunwifuɛ'n sunnzun kɛ ɔ ´yo'n, kɛ ɔ ko wu'n, wuun ɔ'a wie. Anyanbeun ng'ɔ fɛ i wla'n gua su kɛ ɔ ´nyɛn i'n, ɔ ka ase.

Nyanndra Mun 14:32

Sa tɛ nga klunwifuɛ'n ɔ yo'n ɔ mlin i, sanngɛ sran ng'ɔ ti kpa'n i wie cɛn'n nun bɔbɔ'n, i wla gua ase.

Nyanndra Mun 29:6

Klunwifuɛ'n i sa ng'ɔ yo'n ɔ ti i bɔbɔ wun aya yɛ ɔ sua-a. Sran kpa'n kusu i klun jɔ lele bobo su.

Rɔmfuɛ Mun 12:12

Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.

Rɔmfuɛ Mun 15:13

Man Nyanmiɛn bɔ é nyin o i sin'n ɔ man amun klun jɔ, yɛ an di alaje i su bɔ an lafi'n ti nan Nyanmiɛn Wawɛ'n i fanngan nun amún nyin trɛn i sin tititi.

Rɔmfuɛ Mun 5:2

I yɛ man e sili kɛ Nyanmiɛn yo e ye-ɔ, i su bɔ e lafi'n ti siɛn'n e su di ye sɔ'n. Anyrunnyan bɔ Nyanmiɛn waan ɔ ´man e bɔ é nyin wo i sin'n ti, é wun blibli ye.

2 Tɛsalonikfuɛ Mun 2:16

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,