Nyanndra Mun 10:25 - NYANMIƐN NDƐ'N 1998

²⁵ Kɛ seke'n ko tu'n, a kunndɛ klunwifuɛ nin-ɔn a wun-mɛn i kun. Sanngɛ sran kpa'm be liɛ'n, be lɛ olui. Be olui'n ti anannganman .

Nyanndra Mun 10:25 ပူးပေါင်းရင်းမြစ်များ

Zɔb I Nyrɛnnɛn Wunlɛ 17:9

Man be bɔ be ti sɛsɛ'n, be tran cinnjin atin bɔ be fali'n i su. Man be bɔ be ti saun'n, be tra be anwlɛn.

Zɔb I Nyrɛnnɛn Wunlɛ 20:8

Ɔ ´sin kɛ laliɛ bɔ be cɛn'n sa, be su wun-mɛn i kun. Ɔ ´mlin-mlin kɛ aolia nun like bɔ be wun i kɔnguɛ'n sa.

Zɔb I Nyrɛnnɛn Wunlɛ 21:18

?A wun i kɛ be ti kɛ ijre mma bɔ aunngban'n fitɛ i kɔ'n sa? ?Be ti kɛ ndutre bɔ seke'n fitɛ i kɔ'n sa?

Jue Mun 125:1

Zerizalɛm kɔlɛ'n i su jue. Be nga be fa bé wla'n gua Anannganman su'n, be ti kɛ Siɔn oka b'ɔ keje-man b'ɔ o lɛ titi'n sa.

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Jue Mun 58:10

Man be yo kɛ waka kanngan bɔ be nian kaci-man susrɛ'n sa. Kannzɛ be tɛ yo mɔnnɛn o, annzɛ sɛ b'a wu kee o, ɔ ti-man sa, aunngban dan'n ɔ fita be kɔ.

Jue Mun 58:9

Man be yo kɛ buye kanngan bɔ kɛ be ´nanti be ´kɔ'n, wuun be ´wu kee'n sa. Man be yo kɛ ba bɔ be ´wu i-ɔ, ɔ'a wu i nin klun sa, nán man be wun wia'n wun kun le.

Nyanndra Mun 1:27

Kɛ sa sroesroe'n ɔ ´fita amun kɛ aunngban dan wie yɛ amu'an kpɛn i afiɛn sa'n, bɔ sa ya'n ɔ'a wla amun tralɛ zri kɛ seke wie yɛ ɔ su bo sin yia amun sa'n, kɛ nyrɛnnɛn'n ɔ tɔ amun su bɔ amun akunndan sanngan amún wun'n,

Nyanndra Mun 10:30

Sa fi yi-man sran kpa'n i ase le. Klunwifuɛ'm be liɛ'n, be su cɛ-man mɛn nga nun.

Nyanndra Mun 12:3

Klunwi yolɛ'n ɔ man-man sran i jransuɛ. Klun-ufuefuɛ'm be liɛ'n kɛ be o lɛ'n yɛ be wo-ɔ, be tɔ-man le.

Nyanndra Mun 12:7

Kɛ klunwifuɛ'm be ko wu'n, wuun be liɛ a wie. Sanngɛ sran kpafuɛ'm be awlo bo'n ɔ jin lɛ ca!

Ezai 40:24

Sɛ be ti waka'n, wuun n ´se kɛ kɛ be ta be bɔ cɛ'n, kɛ Anannganman fita be su'n kpɛkuun b'a wu kee. Yɛ sɛ be ti waka mma'n, wuun n ´se kɛ kɛ be luali be bɔ cɛ'n, kɛ be trali ndin bɔ cɛ'n, kɛ Anannganman fita be su'n, kpɛkuun b'a wu kee. Yɛ seke kun fa be kɔ kɛ ijre sa,

Matthieu 16:18

N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

Efɛzfuɛ Mun 2:20

An ti kɛ sua bɔ be fa tɛkɛ i bo nga be bɔ Jésus sunmannin be'n be nin Nyanmiɛn nuan ijɔfuɛ'm be wlɛli i ase'n i su'n sa, yɛ Jésus-Krist bɔbɔ yɛ ɔ ti yɛbuɛ kpa b'ɔ tra sua sɔ'n i cɔnjɔ'n i ase nin-ɔn.

1 Timote 6:19

Sɛ be yo sɔ'n, wuun bɛtrɔ kpa kun b'ɔ saci-man'n yɛ b'a kpɛ b'a sie-ɔ, yɛ be ´nyan nguan sakpa.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»