Nyanndra Mun 10:22 - NYANMIƐN NDƐ'N 1998

²² Kɛ sran kun ´nyɛn i wun sa'n, ɔ fin Anannganman. Ɔ man anyanbeun fin-man sran.

Nyanndra Mun 10:22 ပူးပေါင်းရင်းမြစ်များ

Bo Bolɛ 12:2

N ´yo man ɔ osu'n wa yo nvle dan kun, n ´yo wɔ ye, n ´yo man ɔ dunman'n ´fu. Ɔ dunman nun ti n ´yo sran'm be ye.

Bo Bolɛ 13:2

Abram ti anyanbeunfuɛ dan. Ɔ lɛ nnɛn nin jɛtɛ ufue, ɔ nin sika ɔkwlɛ kpanngban.

Bo Bolɛ 14:23

N su fa-man ɔ ninnge'm be nun like bɔ kaan sa, kannzɛ ɔ wie jese nyanman annzɛ ngbabua nyanman bɔbɔ o, n su fa-man. Ɔ yo sɔ-ɔ, a wa se kɛ: ‹Abram i anyanbeun'n fin min.›

Bo Bolɛ 24:35

Anannganman yoli man min min sɔ'n ɔ'a yo anyanbeunfuɛ. Ɔ mɛnnin i bua nin boli nin nannin, nin sika nin sika ɔkwlɛ, nin sran mun, yasua mun o, bla mun o, nin nyɔnngɔnmɛn mun, ɔ nin aflunmun mun.

Bo Bolɛ 26:12

Afuɛ sɔ'n nun'n, Izaak guali ble nin ɔrz kpɛkuun ɔ nyannin mma ng'ɔ luali'n i wunsu sɔ fa ya, afin Anannganman mɛnnin i muae.

Bo Bolɛ 26:13

Ɔ nyɛnnin i wun, i ninnge'm be ɔli be nyrun, ɔ man ɔ yoli anyanbeunfuɛ dan.

1 Famiɛn Mun 21:19

Ko se i kɛ Anannganman wan yoo: ‹?A kun sran'n, kpɛkuun ɔ kunngba'n a su wa fɛ i bo ninnge'n?› Se i ekun kɛ Anannganman waan: ‹Lika kunngba nga alua'm be tafili Nabɔt i mmoja'n, lika kunngba sɔ'n nun'n, alua'm be wa tafi ɔ mmoja liɛ'n wie .› »

1 Be Nyoliɛ 4:10

Zaɛbɛz kpan flɛli Izraɛl Nyanmiɛn'n, ɔ seli i kɛ: «N ´srɛ wɔ kpa ti-ɔ, man min muae, yo man min asiɛ'n cɛn, sasa min. Nán sa tɔ min su, nán man n wun nyrɛnnɛn!» Kpɛkuun Nyanmiɛn tɛli i srɛlɛ'n su klanman.

2 Be Nyoliɛ 25:9

Amazia usali Nyanmiɛn nuan ijɔfuɛ'n kɛ: «?Yɛ jɛtɛ ufue tɔnun nsan nga n fa mannin Izraɛl sonja mun i nun ndɛ liɛ'n ti sɛ?» Ɔ tɛli i su kɛ: «Anannganman kwla yo man a ´nyan uflɛ b'ɔ ´tra ng'ɔ o lɛ'n.»

2 Be Nyoliɛ 32:27

Ezekias i anyanbeun liɛ'n be flɛ-man, yɛ i anyrunnyan'n yoli dan. Ɔ yoli man be kplannin like siewlɛ mun. I jɛtɛ ufue'n, nin i sika ɔkwlɛ'n, nin i yɛbuɛ kpakpa mun, nin i ayre fannin mun, nin i nyrɛn mun, ɔ nin i ninnge nga be lɛ gua'n be kwlaa, ɔ fa be sieli lika sɔ'm be nun.

2 Be Nyoliɛ 32:29

Ɔ man be kplannin klɔ dandan wie mun. Ɔ nyannin bua mun, nin boli mun, ɔ nin nannin mun kpanngbangban kpa, afin Nyanmiɛn mɛnnin i anyanbeun dan.

Jue Mun 107:38

Nyanmiɛn yo be ye, be wu ba kpanngban kpa, bé sa nun nnɛn'm be trɛ.

Jue Mun 127:2

Aliɛ'n ɔ kwla cɛn-man nan amu'an jaso, sanngɛ wuun amun la-man ndɛ. Amun fɛ lele nan amu'an nyan amun nuan nun aliɛ b'a di. Nga amun yo i sɔ'n ɔ ti ngbɛn, afin Anannganman fa aliɛ kunngba nga an di'n man i klofuɛ nga be la be lafi mun.

Jue Mun 37:22

Be nga Anannganman yra be nguan'n, mɛn'n ɔ ´yo be liɛ. Be nga kusu bɔ be bo sannzan'n, be ´jaso lɛ.

Nyanndra Mun 14:24

Anyanbeun'n ɔ ti akunndanfuɛ'm be kɔmin su manlɛ like. Sinnglinfuɛ'm be ´ka be sinnzin'n nun titi.

Nyanndra Mun 20:21

Sran ng'ɔ nyɛn i wun ndɛndɛ nglɛmun nun'n, ɔ di yalɛ nnɔsua nun.

Nyanndra Mun 28:22

Kɛ konvifuɛ'n ɔ `kpli nyɛn i wun'n, ɔ si-man kɛ sa yalɛ'n ɔ wa tɔ i su.

Nyanndra Mun 8:21

Kɛ n ´nanti sɔ'n, n yo be nga be klo min'n be ye. N yo be ye, be nyan bé wun kpa.

Daniɛl 1:15

Kɛ be wieli cɛn ba blu'n i di'n, be nyrun'n yoli mlanmlan kpɛkuun be wunnɛn bali bé wun trali gbanflɛn nga be di aliɛ kunngba nga famiɛn di'n wie'n mun.

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »

Mmla'n 26:10

Ɔ man kusu Anannganman, asiɛ nga a fa mannin min'n i su mma klikli'n yɛ n ´fa blɛ wɔ yɛ.» Kpɛkuun man sran'n ɔ fa ninnge sɔ mun sie Anannganman amun Nyanmiɛn'n i nyrun lɛ, nan ɔ `koto Anannganman amun Nyanmiɛn'n i nyrun.

Mmla'n 28:11

Anannganman ɔ ´yo man amun nyan ninnge kpanngban lika ng'ɔ tali amun nannan'm be nda kɛ ɔ ´fa man amun'n i nun. Amun ´trɛ, amun nnɛn'm be ´trɛ, amun fie'm be ´yo kpa.

Zozie 6:18

Sanngɛ yo, nán amun fa like nga Anannganman waan be saci be'n be wie fi kɛ ɔ ´yo nan i sannzan ɔ'a tɔ-man Izraɛl nvle'n su'n ti.