Nyanndra Mun 10:21 - NYANMIƐN NDƐ'N 1998

²¹ Sran kpa'n i nuan nun ndɛ'n ɔ man sran kaka kpa be fa atin kpa su. Sinnzin wie yɛ be nga be wun-man sa wlɛ'n be wu-ɔ.

Nyanndra Mun 10:21 ပူးပေါင်းရင်းမြစ်များ

Zɔb I Nyrɛnnɛn Wunlɛ 23:12

I mmla kun nun-man lɛ bɔ m'an fa-man su-ɔ. I nuan nun ndɛ'm be yoli cinnjin min sa nun trali m bɔbɔ min klun sa'n.

Jue Mun 37:30

Sran kpa'n ɔ kan ngwlɛlɛ ndɛ. Sɛ ɔ ´kan ndɛ-ɔ, ɔ kɛn i nuan su sɛsɛ,

Nyanndra Mun 1:29

Sa ti bɔ amun su wun-man min'n yɛlɛ ngwlɛlɛ bɔ amu'an klo-mɛn i'n, yɛlɛ amún nyin bɔ ɔ'a yi-man Anannganman'n.

Nyanndra Mun 1:31

Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Nyanndra Mun 10:11

Sran kpa'n i nuan nun ndɛ'n ɔ man nguan. Klunwifuɛ'm be kusu, be ´kan ndɛ sa-a, ɔ waan ndɛ kpa yɛ be ´kɛn i lɛ-ɔ.

Nyanndra Mun 12:18

Sran ng'ɔ ´kan ndɛ-ɔ ɔ bu-mɛn i sin'n, i nuan nun ndɛ'n ɔ yra fiaan kɛ kue yɛ b'a fa wɔ sran sa. Akunndanfuɛ'm be kusu kɛ be kan ndɛ sa'n, ɔ klun tɔ nun sa fɔuun!

Nyanndra Mun 15:4

Sran ng'ɔ kan ndɛ-ɔ, ɔ man sran wla gua ase'n, i sɔ sran liɛ'n ɔ man bé wun kpinndin be. Sran nga kusu bɔ i nuan nun ndɛ'n ti tɛtɛ'n, ɔ bo wla.

Nyanndra Mun 15:7

Ngwlɛlɛfuɛ'm bé nuan nun ndɛ'n ɔ man akunndan. Be nga be si-man ngwlɛlɛ'n, bé ti sɛ liɛ'n wo lɛ ngbɛn, ngwlɛlɛ ba kun sa nun-man nun.

Nyanndra Mun 17:16

?Sinnglinfuɛ'n i sa nun sika'n, ɔ fa yo nguɛ ye? ?Ɔ fa to ngwlɛlɛ-ɔ ɔ yo ye? Kannzɛ be to bɔbɔ-ɔ, i sinnzin'n ti ɔ kwla to-man.

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Nyanndra Mun 5:2

I liɛ'n akunndan nga m man wɔ'n ɔ ´ka ɔ́ ti'n nun, yɛ a ´si ijɔ.

Nyanndra Mun 5:23

Ngwlɛlɛ b'ɔ si-mɛn'n ti ɔ wu. I sinnzin b'ɔ cɛnnin ngboko'n ti, awieliɛ'n wie i.

Nyanndra Mun 6:32

Sanngɛ sran ng'ɔ kunndɛ i wiengu yi'n, ngwlɛlɛ sa'n, ɔ nun-mɛn i ti liɛ'n nun. Sran ng'ɔ kunndɛ kɛ awieliɛ wie i'n, yɛ ɔ yo i sɔ sa liɛ nin-ɔn.

Akunndanfuɛ'n 12:11

Ngwlɛlɛfuɛ'm be ndɛ'm be ti kɛ like ti piembie nga be fa kankan nnɛn mun'n sa. Nyanndra'm be ti kɛ kpɛngbɛ bɔ b'a fa bobo like wie nun kpa'n sa. Be kwlaa be fin Nyanmiɛn .

Ezai 5:13

I sɔ'n ti be wa fa be kɔ mɛn uflɛ nun, afin be wun-man sa wlɛ. Awe'n ´kun be nun sran kpakpa mun, be ´wu. Yɛ nzue we'n ´kun be kun nga mun.

Zeremi 15:16

Kɛ ɔ́ nuan ndɛ'n ko to min sa'n, n ka lɛ n sɔ nun. Ɔ ndɛ'n yo min fɛ, ɔ ndɛ sɔ'n ti man min klun jɔ. Afin Anannganman Nyanmiɛn, ɔ bɔ a sie mɛn wunmuan'n, ɔ dunman'n wo min su.

Zeremi 3:15

N ´fa kpɛnngbɛn nga min klun jɔ bé wun'n m ´man amun. Be ´kle amun atin'n kpa kɛ ɔ fata'n sa.»

Ndɛ Nga Nyanmiɛn I Nuan Ijɔfuɛ Oze Kannin'n 4:6

Min sran'm be su wu, silɛ bɔ be si-man min'n ti be su wu. Ɔ kusu ɔ liɛ'n, a yili min ase. Silɛ nga a si min laa'n, a si-man min sɔ kun. I sɔ'n ti kusu m'an yi wɔ ase, a su yo-man min nyrun jranfuɛ kun. Mmla nga n kleli wɔ bɔ ɔ́ wla fili be su'n ti, min kusu n su kplin-man su kɛ ɔ mma'm be yo min nyrun jranfuɛ.

Matthieu 12:35

Sran kpa'n ɔ yi like kpa i ninnge kpakpa'm be nun, yɛ sran tɛ'n ɔ yi like tɛ i ninnge tɛtɛ'm be nun.

Matthieu 13:19

Kɛ bɔ sran kun ti Nyanmiɛn sielɛ'n ndɛ'n, b'ɔ wun-mɛn i wlɛ'n, kpɛkuun Klunwifuɛ'n ɔ wa yo man ndɛ ng'ɔ tili'n ɔ mlin i klun. I sɔfuɛ'n yɛ ɔ ti kɛ atin mma'm sa bɔ awie'n tɔli nun nin-ɔn.

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

1 Piɛr 5:2

an `nian Nyanmiɛn i bua fa b'ɔ fa be mannin amun'n be lika. Nán an yo i mianlɛ su, an `yo i kɛ Nyanmiɛn klo kɛ an yo'n sa. Nán an yo i kɛ amun wa nyan like ti, sanngɛ an `tu amun klun yo .