Nyanndra Mun 10:19 - NYANMIƐN NDƐ'N 1998

¹⁹ Sran ng'ɔ ijɔ ngboko'n, ɔ yaci-man sa tɛ yolɛ le. Sran nga kusu b'ɔ ijɔ-man plapla'n, ɔ ti ngwlɛlɛfuɛ.

Nyanndra Mun 10:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:2

?Sran kun ´ijɔ beblebe sa nan be su tɛ-mɛn i su? N si ijɔ'n ɔ kle-man kɛ min ndɛ yo fɛ.

Jue Mun 39:1

Jue nga ti David liɛ. Ɔ o jue tofuɛ'm be su kpɛn'n nin Zɛditɛn be fluwa'm be nun wie. I waan:

Nyanndra Mun 11:12

Sran ng'ɔ kɛn i wiengu wun ndɛ tɛ'n, wuun i sɔ sran liɛ'n wun-man sa wlɛ. Sran ng'ɔ si ngwlɛlɛ'n, ɔ ijɔ-man finfin.

Nyanndra Mun 11:13

Sran ng'ɔ tɔn i wiengu suɛn sin'n, i sɔ sran liɛ'n yiyi ndɛ bo. Sran ng'ɔ ti ndɛ-ɔ ɔ fa sie i klun'n, be lafi i su-ɔ ɔ yo ye.

Nyanndra Mun 12:23

Akunndanfuɛ'n ɔ ti ndɛ-ɔ, ɔ tɛ-mɛn i kan. Sran ng'ɔ si-man sa'n, i liɛ ndɛ'n i tilɛ yɛ, i jɔ bolɛ yɛ.

Nyanndra Mun 18:21

Ndɛ ng'ɔ fin e nuan fite'n, i ti yɛ e wu-ɔ, i ti yɛ e nyan nguan-an. Sran ng'ɔ kwla ijɔ'n, sɛ i ijɔlɛ'n ti sa nyɛn i'n, ɔ fata kɛ ɔ sɔ nun .

Akunndanfuɛ'n 5:1

Nán kpli kan ndɛ. Ndɛ nga ɔ waan a ´kan'n, dun mmua bu i wun akunndan nan w'a kan. Afin Nyanmiɛn'n wo nglo lɔ, ɔ kusu a o asiɛ'n su wa. I sɔ'n ti nán ijɔ fiaii .

Akunndanfuɛ'n 5:2

Afin kokolɛ ngboko'n yɛ ɔ fa laliɛ kpanngban'n ba-a. I kunngba nin-ɔn, ijɔlɛ kpanngban'n yɛ ɔ fa ndɛ ng'ɔ nin kanlɛ fata-man'n ba-a.

Akunndanfuɛ'n 5:3

Sɛ a se Nyanmiɛn kɛ a ´yo like wie mɛn i'n, nán sisi ɔ́ bo nan w'a yo i sɔ like'n. Afin Nyanmiɛn klo-man sinnglinfuɛ mun yɛlɛ kɛ be yo-man ndɛ nga be kan'n i su sa. Ka ɔ́ ja nun lɛ yo sa nga ɔ waan a ´yo'n.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Jacques 3:2

E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.